很久沒有食酸辣粉, 記得以前在花園街側邊的小食店煮得很好味,雖然是站著吃, 但我都有幫襯過幾次今日想回味, 但同行男友當然想坐得舒服點, 所以走來太子傷心酸辣粉試試 呢間舖大家都係第一次來諗住地舖, 有冷氣, 有位坐, 可惜事前沒有上網看過食評 (真心重要!)是次試過之後, 終於知道點解openrice的喊臉多過笑臉幾倍 入到店內, 因為唔想搭檯, 所以選了一張近廚房的二人檯不過有點窄, 大碼人應該坐不下坐了一分鐘, 覺得有點不對路, 好似沒有冷氣, 只有"風"於是無奈地轉檯, 與其他食客同檯, 心想....都是快吃, 沒關係吧坐低後, 望到隔離檯的冷氣位滴水, 已經有d唔開胃而且坐了一會, 冷氣都好像唔"冷"囉~算, 真係好耐無食過, 於是落單落單的哥哥....好像新來似的, 每落一張單, 就行黎問我地每樣餸的辣度, 點解唔起落單時問埋呢?新黎的給予機會喇~算可是.....第一道菜上檯, 驚喜非常, 先說明: 我們點的全是散叫, 不是二人餐或套餐$16 時令油菜, 只得生菜, 沒有其他菜可選 (好的, 沒問題)哥哥送來的, 竟是四瓣生菜切件, 即八小件, 看得我同男友眼都突埋菜....真的有這麼貴嗎?! 我是給正價的喔!於是問問落單的哥哥: 呢度係正價既油菜?他: 係呀! (然後走人)我心裡即時: x^$%@*......加眼突大家心有不甘下再問櫃檯姐姐因為她手太快, 收了那碟非常珍貴的油菜, 我無法"有圖為證"不過姐姐拿走的同時, 說是廚房搞錯! 然後便換過這碟價值$16的時令油菜, 油菜的確是非常油的菜邊還有點黑, 像不新鮮, 男友吃到有點苦我亦因為覺得太油, 所以只吃了幾片菜啫....點解可以整到咁? 算....期待大家的粉麵吧我的BB辣酸辣粉, 我都是懷念隔離街那碗, 這店的湯, 酸辣味分得很清楚, 應該很難做到吧!配料的花生, 淋既! 一點都不脆口不新鮮 (吃到這裡已有點火!)再看看男友的, 手擲雞冷麵 (走辣)手擲雞都撕得很有心機, 碎小非常! 我試了一口, 一點都不像乾撈麵, 又無麻油汁, 食到尾還有很多水囉可憐的男友, 一碟正常份量的麵, 平日一定吃得清 這是他吃淨的 其實大家都想放棄一早不吃, 但又不想浪費 最後....家鄉香薰排骨 一上檯....我真的以為是給狗兒吃的?! 不需放入口都知其"乾, 韌, 鞋" 總之唔好食喇 簡直是可以用"豬頭骨"來形容!! (睇見真係火火火, 同唔想食) 最後大家點都試一兩舊, 味道就是我剛形容的三個字 賣$45!!! 我真是吃不出有多好吃, 不懂欣賞!!! (對不起, 影到有點濛! 太嬲了) 大家未試過食淨咁多就走人, 呢餐埋單百幾蚊, 真係非常之唔值! 我承諾以後都不會再來這店開飯, 差到無人有呢 埋單出門口....感覺室外的2x度氣溫, 竟然與剛出來的店氣溫是沒分別 其實佢唔開冷氣好過喇, 仲浪費電力喇 食辣野, 無強勁既冷氣點得呀?! 認住....呢個門口~ 我唔會再黎架!!! 希望你們喜歡我的分享 如有問題, 可留言或電郵給我 issiyyi@gmail.com 由於Y! Blog將會終止服務 (sosad)大家將來可以到我以下的blog繼續支持我的喔★http://issiyyi.theztyle.com★http://beauty.qooza.hk/u/IssiYyi
