女生對甜食很少會抗拒 永遠正餐食得超飽, 超豐富, 都總有另一個"甜品胃" (又或者可以甜品當飯食, 哈哈) 雖然飯後會思前想後,想左想右食唔食 但很多時都避不過美食既誘惑, 尤其外表整得靚靚吸引的 今篇介紹的甜品店, 不是一般的傳統糖水舖 其實杏仁早於一年前已於旺角店品嚐過, 現今已擴張至3間分店 Logo有隻牙仔好cutie! 最出名就是它家用上Valrhona 85%純朱古力製作心太軟 另有店主必食推介: 香橙Valrhona朱古力碎pancake, 宇治金時雪花冰, 傳統法式烘餅, 三式蕉焗杏仁片朱古力窩夫等等 事隔一年, 杏仁再度與朋友仔去了尖沙咀店 看....經常都有人龍在門外等候 幸好當日去的時間尚早, 唔使等位 尖沙咀店比旺角的大, 座位多點, 感覺不算焗促 入座後店內開始人多, 所以我地坐的小卡位, 都要給人"搭檯" 廢話少說, 即刻介紹我地食過咩喇~ 先介紹: 冰火焦糖燉蛋HK$39 食物要好味之餘, 賣相也要得人歡心 如果味道差, 但有賣相, 都會給點同情分的 呢個Creme Brulee面頭仲加上火焰蛋白及士多啤梨 用心型碟子盛載著, 如果是我喜歡的男生order給我, 感覺super sweet呢~ 上面的火焰蛋白暖暖的, 有點飲燒棉花糖的口感, 不過無咁實在 而內裡的焦糖燉蛋是凍的 一羹畢哂兩款味道, 放進口中, 真的有點冰火感覺, 雖然溫差不算大, 但也感覺到 美中不足的是, 若果燉蛋滑點, 焦糖也稍微減甜, 應該會是perfect!! 因為時下的女生 (像我), 又愛甜又怕肥, 如果減點甜, 罪惡感也會減低, 哈哈 挑戰唔到千層窩夫 那就試試: 士多啤梨朱古力脆脆窩夫HK$50 賣相都是good! 幾層朱古力窩夫, 加了一球朱古力味雪榚, 還有一小樽的峰蜜 不過有點可惜的是.....窩夫是絕無甜味, 而且朱古力味也不濃 所以我配以雪榚來吃, 雪榚上的脆脆, 再加埋雪榚及窩夫, 有多重口感, 但不算特別 士多啤梨也不多, 只得幾片薄切的士多啤梨, 似伴碟多d, 而且也頗酸 最後的焦糖脆蕉HK$39 雪榚的口味不能自選, 都是朱古力+雲尼拿味~ 配以芝麻脆片及幾小斷有焦糖面的香蕉 這個感覺是最輕盈的 有生果, 而且又不會過甜 加了焦糖面的香蕉, 味道不錯! 芝麻片如果可以再脆點會更好~ 朱古力味雪榚內裡仲有朱古力片, 雖然唔知是自家製還是外邊訂回來, 但算是有誠意吧! 吃過甜品後, 歎番杯桂花茶先! 以為會是有桂花乾在內, 可能是店主細心之想吧, 將所有桂花隔起 免得我地喝時桂花黏著咀邊 味道是很香, 不過飲落似蜜糖水, 又可能食完以上既甜品, 所以味道都有所影響 但甜味是適中的, 可以中和番剛才的甜膩感 其實今次覺得有點失望, 好像水準有點下降 可能是每所分店有所不同吧 (在openrice看出旺角是最多"笑面"的) 或者你地可以試試它的必食推介, 應該會更好吧! 還有記得很久前在旺角店, 坐下會送上一小杯清水, 現在是刪減了還是我記錯?! 甜牙牙分店地址: 尖沙咀加拿芬道46號地下 旺角廣華街3號百利達廣場地下4號舖 葵芳新都會廣場地下167號舖 希望你們喜歡我的分享 如有問題, 可留言或電郵給我 issiyyi@gmail.com
