做得半個美客博客 就緊係鐘意四圖試新野, 尤其關於美容, 外在美的, 我都想了解下 本身我對elyze既印象真係唔差 覺得大公司, 大規模, 有信譽, 所以起佢地既Facebook 留左資料試做 我打呢篇文絕對不是想抹黑elyze, 不過想講出我自己真人真事的親身經歷 今次我沒有以blogger身份去試做 (會關呢個身份事嘛?!) 到上星期接到elyze身體年輕中心的職員來電與我預約 好快就可以約到一星期後做treatment 整個談話語氣都很nice, 問我想試做邊part 我揀左手臂 到預約那晚, 我比預定時間早了10分鐘 負責跟進我的治療師 (我不會公開她的名字) 帶我進房講解 其實已於早前大概的了解過elyze做既係咩療程, 但我也尊重她, 由她講解 第二part是量高磅重用電腦分析, 分析完後又走回她房間 她覺得我下半身的脂肪磅數比例較上身多 (我自己一直都知道, 但其實我一早講明想做手臂的, 好似完全無提過) 之後她問了一些關於我個人的生活習慣 (其實在填個人資料時, 也簡單地填寫過) 問及我有沒有經常手腳冰凍, 相信7成女生都有這問題 我話有睇中醫調理 她的反應有點大, 也是我第一次聽人說食得多中藥會對肝臟唔好!! (她重覆說了好幾次) 很奇怪! 佢又知我食緊咩中藥?! 中藥都有好多種類囉~ (我也沒有反駁, 因為呢d我都無證據佢講既係o岩定錯) 然後她就介紹elyze有個療程叫circulation好o岩我 (談話間我覺得她很硬銷公司既儀器) <<<這是正常丫 又知道我有做運動的習慣, 她也有說, 呢個習慣係好 不過....你知道要做幾耐, 幾多年, 先可以keep住個靚body shape? 一定要配合"機"先可以達到理想效果 (又來sell了) 我在談話間沒有問題, 因為感覺佢講左好耐, 仲未有得試做 終於講完, 到另一treatment房先進行照鏡分析身體 我望一望鐘, 時間是7.35pm 即是....佢同我講左1粒鐘, 但仲未真正的開始 為免佢再咁多野講, 於是我話我趕時間, 可以8.15pm完成試做嘛 佢答我"OK, 無問題" (我太蠢相信佢) 分析後, 佢覺得我大腿的肉最先要解決 (最後我都由得佢, 因為唔想再講咁多) 開始叫我訓上床, 又見到我腳後有靜脈曲張情況 (因為遺傳得來的) 佢又開始硬銷我, 覺得circulation果部機真係好o岩我做 其實我係有問過醫生, 醫生話無得阻止, (我媽咪表姐都有, 媽咪真係做過手術既) 佢就話, 我有客都好似你咁架, 不過佢做完後, 好左 (但點好, 佢無講) 又話你而家比一筆錢出黎做circulation, 有防止既作用 好過佢走哂出黎時, 先比一筆錢出黎做手術 (咁...做完circulation係咪包唔會再復發先?!) 跟住我話我諗諗先喇! 療程開始進行喇, 做既時候感覺OK既, 都feel到佢用心做 在剛開始時, 佢講: 今次既試做係消脂, 但其實我覺得你應該要用另一部機 (係cut脂作用), 不過果部機就無得試做 或者我叫個治療師黎同你講解下 (我已經講左趕時間....仲講) 我: sorry ar, 我真係趕時間 佢: 咁我一路做一路同你講下喇 (其實佢講既野, 大約之前起房已經講左次) 做完一邊大腿, 佢叫我落床照鏡比較下 (佢都有講明, 其實呢個試做, 唔會一次就見效, 我都明白) 不過....當我望完時, 以為會幫我做埋另一隻腳 佢: 你可以換番衫架喇 (我有d O 左咀囉) 我都知試做....但無諗過原來只做一邊, 佢做之前又無講清楚 為免浪費時間, 我當然拿拿臨換衫, 望鐘: 8:15pm 都知佢會仲講多陣, 至少講下course價錢 其實起做完既過程, 我已同佢表明, 我今日一定唔會考慮, 我唔係d咁衝動既人 (諗住比定個心理準備佢) 換完衫佢再帶我入房 佢又再講話cut脂好o岩我, 又想再解釋 我話我真係趕時間, 頭先講左8.15走人 佢話一係我再約你第二日上黎了解呢部機丫 (當然我係唔會喇) 我係好怕比人sell, 佢頭先既行為, 令我已有壓迫感, 唔通我仲搵自己黎搞多次?! 跟住佢就比左個手寫價目表我, cut脂定circulation每次 HK$2650, 覺得我需要做5次, 即$13250 其他我無著重記住, 因為真係想走 表明我真係趕時間, 我望錶又望電話, 都唔放我走, 果時8.30pm 佢狂sell我cut脂部機, 最大問題係我頭先又唔係試呢部 sell我會唔會搞笑左d呢?! 又咩都未了解 又問我係咩原因? 係咪concern要拎一大筆? 我地可以月供架 由於我太堅持! 最後佢出絕招, 話問過supervisor, "咁o岩" 今日有個quota, (真係咁o岩, 我咁lucky?!) 話可以做到$775/次cut脂比我, 即係$3875, 相比$13xxx平左好多 不過我真係唔係一個衝動既人 (就係因為曾經係, 中左招, 所以而家學精左) 我又再重申, 我唔會今日決定架喇 佢又出絕招: 咁一係你落$500訂丫 我: 落左咪=買 佢: 唔係架, 如果你今晚番去諗清楚, 真係唔o岩, 聽日你可以拎番錢走, 個quota得一個, 過左今晚未必有 就係本身個客hold左, 不過佢唔要, 先有咋 (sales真係sales) 我: 我真係趕時間呀, 諗諗先喇~ 我想上網search多d有關既資料, 因為我都唔係做呢部機 佢: 我比我個客既實例你睇 (佢拎左個file出黎, 我以為會比到d相我睇) 頂, 一路講, 我只係見到d紙, 咩證明都show唔到比我, 話因為私隱關係我唔可以比相你睇呀 *#%^$@#%!# 我著左喇!!! 佢: 係咪唔夠cash起身呀, 我可以借住比你 <<<<<<我未見過sales咁囉! 勁 此時佢轉身開櫃, 拎佢銀包出黎 我即刻話, 唔使呀, 我唔會join, 你咁樣令我好有壓迫感, 我趕時間要走 你一係留電話比我, 我如果有興趣聽日打比你 (我拎袋作起身走的姿勢) 大家唔好以為我係一個好平靜既人, 當時我心裡已有十萬個粗口想湧出黎 最後佢迫於無奈地放我走, 但因為我比左2次時間佢睇, 佢先放過我 以上我講既經歷無十足都有九成, 因為講得太多野, 我無可能記足, 但發誓講既都係事實 比埋單你地睇: 2個幾鐘....只係做到一隻大腿肉 我絕對明白sales都要搵飯食, 不過佢既手法太幼嫩, 唔應該下下都硬銷佢公司d儀器 main point係, 我唔係做果部, 你反而sell果部, 勁囉! 佢起第二日真係有打黎, 不過我當然無聽佢電話喇 不過我諗呢個係個別個案, 但我唔會再去呢間公司囉