第一次自駕遊, 選擇左感覺較安全既日本北海道... 因為咩都唔識, 我地經旅行社買左ANA既package, 包機票(東京轉機), 租車, 幾晚酒店... 上網搵左好多GPS MAP CODE, 後來先知一啲用都冇, 因為99%景點, 只需用電話號碼就搵到。 第一站, 函館。 之前對函館既唯一印象, 係<<金田一事件簿>>中既其中一件案... 後來先知道函館既夜景係世界知名... 機場拎車後, 去左ANA小冊子建議既修道院, 作為"練車"之用... 修道院冇咩特別, 特別在少人... 確實係"練車"既好地方... 第一餐, <<海鮮食堂 いかいか亭>>食魚生! 一定要有海景同海水味, 先嘗到真正既新鮮味道! 食飽已日落, 逛逛金森倉庫, 夜景更迷人。 雖然訂左有溫泉既酒店<<平成館海洋亭>>, 但唔可以咁早返去, 因為唔可以錯過睇世界三大夜景(曾經係)既函館山! 函館山可能係全函館最多人既地方! 不過真係好靚! 平面既靚夜景! 返酒店, 酒店包自助晚餐, 質素不錯, 但因中午食得太飽, 唔係食左好多。 浸左一陣大眾溫泉池, 就返房瞓。
