《慕姸小廚房》太耐冇開工啦！ 今日主角係「菠蘿」菠蘿是夏天的時令水果，又香又甜又好味，本身打算買菠蘿回來當水果吃，但突然靈機一觸，菠蘿外殼應該要裝炒飯，一於順勢炒個菠蘿海鮮炒飯，發覺要切個菠蘿外皮裝炒飯，會浪費好多果肉，慳家嘅我仔細用刀削返所有果肉，放在玻璃杯內，突然又覺得菠蘿果肉加梳打水又可以變成一款特色飲料，如果覺得梳打水太多氣，又可以將啲菠蘿果肉加入梅酒，味道非常夾、非常味美。揀菠蘿最好揀啲熟啲嘅，因為會比較甜，熟菠蘿會自然散發一種香甜的氣味，一聞到就知道會好味。菠蘿的好處：·促進消化解油膩·止渴·抗血栓·利尿消腫·消除感熱 菠蘿的壞處：·含有刺激作用的甙類物質和菠蘿蛋白酶，一般建議在稀釋的鹽水中浸一會兒，浸出甙類才吃。·菠蘿中有一種含氨的有機物，過敏體質如果吃菠蘿會引起明顯的不良反應。體質因人而異，如果食用前先用鹽水抑制菠蘿酶的活力，可減少菠蘿對口腔粘膜和嘴唇的刺激，同時也會感到菠蘿更加香甜。 食譜分享：(3-4人份量）菠蘿 一個切開留外殻備用菠蘿肉 10g冷飯 320ml米（煲成飯）洋蔥 1/4 個雞蛋 兩隻芝士腸 6條蟹柳 6條急凍尤魚 4片日本大帶子 5粒醃料：咖喱粉 15ml魚露 少量鹽 少量黑胡椒粉 少量糖 少量百里香粉 5ml蒸魚豉油 10ml 1.把菠蘿切開，盡量留返個外殼來裝炒飯，菠蘿肉大約10g備用。 2.把尤魚、芝士腸、帶子、蟹柳切粒，用少少黑胡椒粉醃一會，然後先落油鑊炒香，盛起備用。點擊圖片放大 +8 3.開火然後落油，把洋蔥炒香，加入冷飯，輕輕炒熱，加入（已經拌勻及加入少許鹽）的雞蛋炒香。 4.咖喱粉加入魚露、糖、百里香粉及蒸魚豉油拌勻，加入煱裏，再加入已經炒香的海鮮配料，炒至金黃色，試味，完成。 小貼士：其實應該用黃姜粉，炒出嚟顏色會比較金黃，屋企沒有黃姜粉，唯有用咖喱粉，泰式黃咖哩一樣咁好味！菠蘿特飲點擊圖片放大 +5 食譜：菠蘿蓉 10 g梳打水 一支青檸汁 少許薄荷葉 一片香茅 少許做法：倒出梳打水入玻璃杯內，加入菠蘿蓉、青擰汁、香茅及薄荷葉做裝飾，完成。菠蘿梅酒 食譜：菠蘿蓉 10g梅洒 30 ml薄荷葉冰粒 3粒做法：在玻璃杯內放入菠蘿蓉，倒入梅酒，再加入薄荷葉冰粒，完成。以上是以個人口味作為調味的分享～喜歡這篇文章(>^ω^<)可以按個讚喔！(^з^)-☆
