《慕姸小廚房》蔬菜同咖喱原來係好朋友嚟㗎！夏日熱辣辣又唔想食得太清淡，又香又甜又開胃嘅咖喱又點小得呢^o^近排留在家中，懶到飛起⋯⋯完全冇乜私人時間（連做運動嘅時間都冇）肥咗好正常啫⋯⋯所以決定食小啲澱粉質，用蔬菜同水果代替正餐，希望可以減少脂肪在肚腩附近積聚，但講到尾都係要的起心肝做吓運動，回想起一年前的今天，舒舒服服去健身中心出一身汗，實在太幸福了⋯⋯希望疫情快啲有新景象新轉機，但願回復正常的生活模式，跑完步之後去焗桑拿(˶‾᷄ ⁻̫ ‾᷅˵)現在唯有係屋企跳吓舞，拉下筋咁囉！就係咁，我要食多啲蔬菜，食小啲肉。講到咖喱最正宗當然係印度咖喱、泰國青黃紅咖喱啦！我今次唔落肉（食肉獸啱食嘅咖喱下次先同大家分享）今次會整素菜菜式，主角係涼瓜又稱苦瓜，夏天最容易上火熱氣，食涼瓜(苦瓜）最下火，所以今次會用泰式黃咖喱粉配合最正宗的泰式原材料⋯⋯包括香茅、南薑、檸檬葉，一道香氣四溢的泰素菜就準備就緒啦！點擊圖片放大 引申一些健康小知識涼瓜(苦瓜）有消暑除煩、清熱解毒、明目、降血糖、補腎健脾，益氣壯陽、提高身體免疫力的功效。現代人長期對住電腦或手機，雙眼很容易疲倦，易出紅筋；加上經常夜瞓，肝火盛對肝臟影響很大。只要多在日常食療中配合涼瓜食用，就能改善上述現象。涼瓜獨有的苦味，不是容易入口的苦味，有些人好怕食涼瓜就係怕咗它的苦，苦口良藥⋯⋯是也。其實也是有辦法可以令到涼瓜少一點苦多一點爽脆。在煮之前先去掉白色襄，白色襄就是涼瓜（苦瓜）最苦的部份。用些鹽醃一會，也能夠令涼瓜(苦瓜）少一點青苦澀味。材料 (4人份）黃咖喱粉 1包洋蔥 1/4個鮮草菇 6粒蕃茄 1 個薯仔 1 個西蘭花 1 棵涼瓜 2 條泰國香茅 1條（切段)泰國南薑 3片泰國鮮蒜 4粒檸檬葉 4片水 800ml椰奶 200ml (可按喜好自行加入）指天椒 1隻 (可按喜好自行加入）魚露 少許 (可以不加）製法： 1. 涼瓜切開用匙羹去襄，用刀把白色襄切走，用鹽醃一會出水備用。2. 番茄、薯仔、去皮切件備用，洋蔥去皮切片點擊圖片放大 3. 西蘭花用鹽水浸洗乾淨備用 4. 鮮草菇切開備用 5. 香茅拍拍扁切段，南薑切片，檸檬葉用手撕碎備用 6. 在鍋子下些植物油，中火預熱，炒香蒜及洋蔥，加入800ml水，煮滾後加入咖喱粉包，然後加入香茅、南薑，再煮5分鐘點擊圖片放大 7. 加入鮮草菇、蕃茄、薯仔大火煮約10分鐘 8. 最後加入西蘭花及涼瓜(苦瓜）加蓋煮5分鐘 喜歡椰奶香味可以在這時加入一些椰奶(我今次冇另外再落椰奶）因為咖喱粉包內含椰奶的成份9. 開蓋加入檸檬葉拌勻，中火煮1分鐘10. 一道又香又甜又好味的泰式素菜煲就完成囉(>^ω^<) 以上是以個人口味及經驗作為調味的分享～正宗泰國香料包及材料在香港也能夠輕易買得到，空運到港，絕對安全又好味~有空可以到小妹的私人網站閱讀其他有趣用心的分享～https://missmuyan.com如果喜歡這篇文章可以按個讚喔(^з^)-☆謝謝~\(≧▽≦)/~
