《慕姸廚房》簡易食譜♥烤焗肥美的洋蔥豬扒豬扒越肥就越好味～當然瘦豬如果有心機去烹調，都一樣好好味啦～ 點解要學整焗豬扒？因為食材容易買得到囉⋯⋯而且啱哂香港人嘅節奏，快、靚、正！♦豬扒其實好難煮得好食的，如果就咁煎，煎完就會好“鞋口”♦因爲之前有太多煎豬扒失敗嘅經驗♦如果想整得好淋又好味，要同塊豬扒做好多好多運動，用啲工具去幫塊豬扒啲肉質變得鬆軟，較多功夫♦我平時就多數食鮮茄汁豬扒或者洋蔥豬扒，因為易煮又好味(住家口味）♦因為我鐘意洋蔥焗完之後夠哂淋，吸哂豬肉的肉汁和油脂，啲豬油令到洋蔥又香又滑♦豬扒焗會比煎更好味，肉質更鮮嫰 今次在超級市場買咗丹麥無骨豬梅頭扒，好多脂肪，正宗半肥瘦因為係冰鮮肉類，所以要一早在雪櫃裏拿出來解凍，真空包裝的肉可以浸在水裡快速解凍，之後就沖洗乾淨，印乾所有水份 材料：（ 2 - 4 人份量）豬梅頭扒 500 g洋蔥 半個 （約 30g ) 調味料：蒜蓉 1 湯匙 （約 10 ml )薑 約 2 茶匙老抽（醬油） 1/2 湯匙（約 7.5 ml )魚露 1/2 湯匙 （約 7.5 ml ) 糖 1.5 茶匙味椒鹽 少許紹興酒 1 湯匙生粉 約 1 茶匙 做法： 1. 把洗乾淨及印乾水分的豬扒，一片切成幾塊（切 2 刀 一開三），在碗內與調味料混合在一起，醃大約半小時至一小時 點擊圖片放大 2. 預熱焗爐210 C 大約十分鐘，在焗盤上塗一些食用油，先把一些洋蔥放在焗盤底部，再放一層豬扒，之後又放一層洋蔥再一層豬扒，如是者把醃好的豬扒全部放入焗盤內，之後放入焗爐按 210 C 焗烤十分鐘 3. 十分鐘後，打開焗爐，小心地把最下層的豬扒移上最上面（如果大些小的焗盤可以把所有豬扒平放的，就反去另一面就可以了）4. 上下位置對調了之後，再按焗爐 210 C 焗烤多十分鐘 5. 時間再過去十分鐘後，打開焗爐，檢查一下豬扒顏色是否均衡，是否熟透就大功告成。(因為每款焗爐功能熱度有所不同，烤得剛好時肉質最鮮嫩多汁，格外滋味） 以上食譜是以個人口味及個人經驗而分享~ 小貼士：1. 半肥瘦豬梅頭肉焗烤完會有好多油，但肉質會較軟滑，如果唔鐘意太肥，可以揀瘦少少嘅豬扒，用刀背用十字紋方式輕輕幫豬扒肉做運動，拍斷纖維，令肉質更鬆軟2. 如果覺得太多油，可以分開碟上，把豬扒放在生菜上面，可以吸收過多的油份 喜歡這篇文章可以按個讚喔！♥謝謝
