《慕姸廚房》簡單易學的港式碗仔翅之鮮味素翅♥♦我印象中小時候已經有嘗試過在家中自製碗仔翅的經驗，皆因自小就已經很喜歡食碗仔翅，就算去到香港九龍新界，見到有好吃的都會買一碗嚟試吓。生咗女兒之後，發覺佢又係同我一樣超級鐘意食冬菇呀、雲耳(貓耳朵）呀、粉絲呀嗰啲，每次下午茶都會叫碗仔翅食～當然街頭小吃各處廚師各處法，都有好食同唔好食之分啦=(^.^)= 《慕姸》小廚房自製鮮味素翅♥有見及此，決定網上揾下食譜先，當知道原來既簡單又易煮，就一於自己整嚟食啦！♦口味每個人都唔一樣，而製作碗仔翅都一樣⋯⋯有試過用雪藏雞脾肉製作的、有試過用新鮮豬展肉製作的，也試過用煲完湯的瘦肉製作的（惜食之人）當然不介意，但每次都有加乾瑤柱同花膠，好明顯加咗係好味好多啦！今次會製作不加紅肉同白肉的海鮮素翅。 材料( 4-6 人 份量）清雞湯 1公升凍滾水 1公升乾瑤柱 約8-11粒 花膠 30g(已浸軟）冬菇 60g(已浸軟) 雲耳 60g粉絲 40g雞蛋 1隻 調味料：生抽（醬油) 2-3茶匙 （約10g）瑞士汁 2-3茶匙 （約10g）蠔油 1或2茶匙 （約8g）生粉或粟米粉 2或3茶匙 （約10g）胡椒粉 少量 製法： 先煲滾水放幾片薑把花膠煮軟(約煮15分鐘就可以，切記保留煮花膠嘅水備用），冬菇和雲耳要預先浸軟後洗浄切絲，乾瑤柱浸水(保留浸乾瑤柱的水備用），粉絲浸軟剪2-3刀 鍋子燒滾1公升裝雞湯以及一公升凍滾水(雞湯和凍滾水比例一比一)，以及將備用的花膠水及乾瑤柱的水一拼加至鍋中，滾起後加入冬菇和乾瑤柱(乾瑤柱可以整碎小小才放入鍋中），轉細火加蓋煮10分鐘 3. 加入生抽(醬油）、瑞士汁、蠔油拌勻 4.加入雲耳絲、粉絲和花膠絲、拌勻，中火滾起後煮2- 3分鐘 5.小碗加入生粉和2湯匙水，拌勻，將生粉水慢慢倒入鍋中，等2-3秒後一直攪拌至湯汁變濃稠 6.小碗打勻雞蛋，慢慢圍邊倒入鍋中，一邊倒入雞蛋一邊輕力拌勻，然後試味，有需要可以按喜好加入更多調味料或是適量加入鹽及胡椒粉(煮俾小朋友及老人家建議不用太濃味），之後熄火就完成 小貼士：一般的碗仔翅落肉是會再比較有口感而且能夠有肉類的蛋白質，如果喜歡用鮮肉，可以將鮮肉先出水烚熟才撕成絲，在加入雲耳和粉絲時一同加入除了用生粉水及粟米粉水，也可以用馬蹄粉水代替的，所有會令湯汁變得濃稠的芡汁都要慢慢加入，一邊加要一邊拌勻，馬蹄粉水會較快令湯汁變得濃稠，所以不要一次過落太多。而生粉水及粟米粉造出來的碗仔翅比較易變得水汪汪一些煮花膠的薑不要放入碗仔翅，只放花膠水就可以了♦歡迎留言與我分享你的煮碗仔翅經驗或心得♦ 謝謝(^з^)-☆
