去咗咁多次，去得咁密，去到比回鄉探親更誇張，最於比我發現幾間我覺得唔錯，去開附近可以一試的餐廳和一間Spa & Massage Resort... ***事先聲明，所介紹的餐廳並不是因為平才推介，所以主攻平食，嫌貴者請繞路，謝謝*** 由於今次住系BTS Chong Nonsi 附近嘅酒店，所以就系附近覓食 ψ(´∇｀)ψ ψ(´∇｀)ψ 第一間推介嘅系: Chu -- Chocolate bar & coffee 佢系位於Holiday Inn Express Bangkok Sathorn 對面，由BTS Chong Nonsi 站The Heritage Bangkok Hotel 出口直行約5-6分鐘就到，我都知自己講嘢難明，所以都系比個地址大家自己搵喇~ 詳細地址﹕1st Floor No. 150 Soi Pipat 2 Silom Rd. Bangkok 10500 我今次系早餐時間大約1030去的，order咗個Big Breakfast 同 Eggs & Sausage Set. Big Breakfast & 35% Milk Chocolate 上圖系Big Breakfast， 有薯仔粒、菇、蕃茄仔、蛋、香草脆皮腸、煙肉同佢地homemade 嘅面包。我最欣賞系佢個homemade面包，佢本身做得好有小麥味(但佢系白面包...)，而且系風乾(I love風乾面包(’з｀)，整個都好脆，唔會有焊乾的燶味。香草脆皮腸系我覺得麻麻的，腸仔內放左較多香草，本人覺得香草味太濃... ice coffe & 35% milk chocolate 最想講就系杯凍嘅35% milk chocolate，飲落好似張吉伯利牛奶朱古力倒咗入口咁，好滑，味濃。其實佢重有25%milk chocolate, 100%milk chocolate 同Spanish chocolate 等等嘅選擇。我見到隔離台的hot Spanish chocolate 系一杯好似朱古力醬的飲品，十分另吸引，但最後太飽無叫到，留返下次叫~~ 講到service，服務到唔錯，而且好有禮貌同英文水平同，唔驚溝通唔到。呢餐埋單用作820 baht左右，事實系貴的，但環境，服務同埋食物三方面對於我來說系可以一試... 但敗家的我是會再去的^v^ 第二間系﹕ Alphabet Cafe'&Bar 詳細地址﹕198 Pipat2 NarathivasRd. Silom Bangrak, 10500 Bangkok 呢間位於The Heritage Bangkok Hotel 旁，環境幾靚，影文青相唔錯的地方。佢主要食泰式小菜，而價錢個碟大約200-300 baht左右，食物都大碟，味道偏濃(我覺得...)，如果住系The Heritage Bangkok Hotel 重可以叫room service 添。我行完一日，返到酒店打落去餐廳叫room service，order左一碟菜，送到上黎碟菜系剛剛煮好，熱騰騰的，連埋小費同service charge 都系170 baht左右 ，同系餐廳叫一個菜差唔多。Shopping 完攰到傻又全身汗，已經唔想再去餐廳坐定定食嘢，只想返酒店沖涼，系張床"灘下"，但又肚餓，呢個room service 的餐廳真系唔錯嘅選擇。 系BTS Chong Nonsi 附近行左一輪，發現附近真系有唔少偽文青餐廳，而且價錢唔貴，食物質素亦唔太差。除左餐廳，亦有大小不同的商場，藍象的總餐廳及廚房亦在附近。 住系呢區都唔錯。 第7次遊泰國 14.1.2017
