屁屁本身既眼睫毛都唔算長, 所以如果唔搽眼睫毛液就會搞到隻眼好冇神呀! 就算唔搽眼睫毛液呀, 就咁搽眼線…..都總係覺得隻眼腫腫地家~~ 大家都應該試過家啦~ 做咩事屁屁隻眼會相差咁遠家~ 屁屁係冇用假眼睫毛 @@ 秘訣係咩?? 秘訣係咩呀?? 係Wowwow 黑鑽羽翹睫毛, 最好既係…. 一支眼睫毛液有2個份量用法, 平日反工, 用step 1就OK啦, (掃頭分明、細長、沾上既眼睫毛液份量不算多, 好易handle呀) 放工同朋友食飯/約會既, 咁用埋step 2就perfect 啦~ 好好好….首先黎睇下未化妝既屁屁…. 完全素顏……… 面又腫, 眼又腫呀~ 咁樣出街…真係會嚇親好多人家~ 為左唔好嚇親你地….點都要化反個底妝先~ 屁屁事先畫上幼幼既黑色, OUT反個眼型…. 雖然個眼型出左黎, 但係都改善唔到眼腫同「冇神」既問題呀! 同普通眼睫毛液有咩分別? 最好既係…. 一支眼睫毛液有2個份量用法, 1. 平日反工, 用step 1就OK啦, 特點: 掃頭分明、細長、長度一致、沾上既眼睫毛液份量不算多, 好易handle呀 2. 放工同朋友食飯/約會既, 咁用埋step 2就perfect 啦~ 特點: 掃頭濃密、長度不一、可沾上更多眼睫毛液 有時你會發現眼睫毛液支掃沾左太多睫毛液, 一個唔留意, 搽左上隻眼到, 就會一次過上得太多睫毛液, 搞到幾條眼睫毛痴左一齊!! 到個時, 無論你用牙籤/睫毛掃/ 眉掃 梳反D眼睫毛做一條條…..都幾難啦~ 愈梳只會形成愈多既黑色一粒粒….愈搞愈麻煩! 大家見唔見到(1)個支眼睫毛掃同(perfect)個支眼睫毛掃既分別呀~? 用(perfect)既眼睫毛掃, 你上親睫毛液都一定係完美家~! (1)同(perfect)既分別—-就係有冇做以下既動作: 屁屁用親新眼睫毛液都會用紙巾整走過多既眼睫毛液… 秘訣係一路拎紙巾搽走、一路要禁實支眼睫毛掃、一路要慢慢轉支眼睫毛掃, 不妨試下….真係可以改善左好多眼睫毛液既壞處家~ 屁屁總係覺得…..一支好既眼睫毛液, 係需要配合正確使用方法!! 所以有時我見到其他女仔D眼睫毛…粗到好似支鐵絲咁….真係冇野可以講…. (屁屁中意自然D啦~) 以下就係由「零」睫毛–>>「吉死人」睫毛既脫變~~~ 圖解: none: 無用任何眼睫毛液—————————-眼睫毛幼細之餘, 仲要係唔顯眼 1 coat : 左邊係搽左1層; 右邊就冇搽————眼睫毛有明顯深色左, 其實搽1層既效果十分自然!!! 2 coats : 左邊係搽左2層; 右邊就仍然冇搽—–有明顯深色左之外,仲有好明顯既增長效果呀!亦都濃密左唔少呀! both: 雙眼都有搽——-對比反(none)個張相, 真係有好大既差別呢~! 真係好喜歡兒支睫毛液呀加! 大家有目共睹, 兒家眼睫毛長到….. 長到….D眼睫毛仲長過眼睫毛夾, 吉反住個上眼皮呀!! 拿拿拿…屁屁真係冇講大話…. 真係長到…過左一半上眼皮啦~ 一對「電眼」既形成….都係只需要5分鐘!! 有幾難呀~~ 擁有一對電眼+少少胭脂+靚衫+靚頭….. 15分鐘屁屁就出得門口啦~(但係今次要影相….搞左我1個鐘, 鬼叫影1個post , 要影6、7張相咩~) 之所以話呀….邊洗用假眼睫毛家~ 一支眼睫毛液就等於一對又假又膠既假眼睫毛啦~ Wowwow 黑鑽羽翹睫毛效果: 設計: ♥♥♥♥ 黑澤度:♥♥♥♥♥ 增長:♥♥♥♥♥ 卷曲度:♥♥ 防水度:♥♥♥♥ 防油度:♥♥♥ 折斷度:♥♥♥♥ 易卸度(cleaning gel):♥♥♥ 易卸度(cleaning oil):♥♥♥♥♥ 抵買度:♥♥♥♥ user friendly (容易控制、方便使用):♥♥♥♥♥ 總結: 1支眼睫毛掃有2種唔同效果….. 岩哂屁屁兒D貪方便,又唔中意帶咁多野係身既女仔!! 好易上眼睫毛,(都冇需要用咩Z型手勢定C型手勢) 上左1次就已經夠黑, 上左2次就已經有好明顯增長左1/3啦~ 上左眼之後…就算上左2層, 都唔會覺得重呀~ 但係….眼睫毛液卷唔起D眼睫毛!!真係有D失望~ 不過, 搽眼睫毛液時,一D都唔會有起結既問題!! 搽上眼時, 好順呀, 唔會沾得太多眼睫毛液 就算用左成日, 又有捽眼, 又有夾眼睫毛 , 折斷率都唔高呀, 一日大約有1、2粒黑色線甩出黎~ 而且汗水又唔會影響到眼睫毛液…. 不過夏天面油多既時候, 有時都會有暈開既情況! 如果用eye/lip make up remover同cleaning oil 就一定好易好快落到, 但係cleaning gel 就要D時間去落…!! 希望大家會中意以上既分享呀~~ 多謝大家睇呀~
