夢，好似好遙遠呀可?! 從前睇Vicky Cristina Barcelona睇eat pray love睇cable的「活得很滋味」，就已經好響往出國到處旅行。 買忽週第一時間總會抽起飲食男女睇，睇遊記，剪低收藏好。大個少少就成日密謀旅行大計，將一大堆有用網頁save低收藏。coachsurfing，backpacking，呢啲野我幾年前就已經好熟識。但總係冇機會行第一步。 公開試之後既大假，大學year1既sem break，蠢蠢欲動但總係希望先努力part time賺多個錢。 diu講呢啲，咪再俾藉口自己啦！毒撚就毒撚啦，冇人陪咪冇人陪囉。咁岩有朋友響果邊讀書，聲稱佢可以帶我周圍去，你懂的。 而且膽生毛既我，本身仲諗住玩下coachsufing。不過點都係第一次自己遠行，又唔好去到咁盡。 但老老竇竇，一切都係因為某一日上上下lecture拎iphone出黎開skyscanner（sorry我真係得閒無事就會上skyscanner search下機票，ff下都好）search下5、6月既機票，點知咁岩emirates出限定優惠，仲有ipad air抽，但仲有2日就到deadline，即刻度好日子，問準屋企人就響deadline前碌卡book機票！嗚啊～我成世人都係咁impulsive，一直在玩命。 backpacking其實係tailor-made for窮撚架，有錢邊個唔想舒舒服服住hotel？買左張機票，今個月既credit limit只夠book多間hostel。依家依經開始plan好交通，唔係因為想早啲ready好行程，而係我要買平既火車巴士飛。連買張musical飛都只能夠係restricted view seat ^v^ 都話窮撚冇資格去旅行 識坐長途機一定係坐emirates，價錢唔是太貴又舒服。有儲錢習慣，第一次backpack決定對自好少少，因為實在唔想坐十幾個鐘廉航。 港燦第一次知可以網上揀位揀飛機餐，wow左出黎，sor9ly囉。 book左機票，先真真正正realise到102日後就飛英國 英國，從來唔會係我旅行既first choice，但應該會係最易玩，唔洗準備太多，畢竟我係啲大事即興小事勁plan既人。 London、cambridge、brick lane、bath、stonehenge、manchester、liverpool... 話就話唔係咩崇英jj，但原來英國有好多地方好多歷史都令我瘋狂。 希望我到最後唔會拎一大堆on99手信番黎就算 to be continued...
