觀塘雖然多人，但工廈林立之下，有唔少隱世cafe/party room/特色小店匿埋喺入面！今次同大家介紹觀塘幾間高人氣、高CP值嘅Café、特色打卡位同Spa！如果收工或者放假唔知去邊好，以下地方總有個啱你！ 觀塘美食餐廳(café)推介 【廿一由八】— 木傢具工場 X 咖啡店 照片來源︰Pantry_twenty_one_from_eight@IG咖啡店以「廿一由八」命名，聽個名都覺得幾特別，但估唔到嘅係，佢嘅另一身竟然係木製傢品工場，由兩位店主Thomas同Vera主理，主打全人手製作木傢具！呢個crossover咁特別，真係好值得去睇下呀！ 照片來源︰twenty_one_from_eight_hk@IG除咗兩位店主，Café嘅廚房由Le Cordon Bleu學成嘅廚師主理，法式午餐同甜品都係經過精心製作，絕對品質保證！佢哋嘅軟殼蟹番茄乾扁意粉唔係單純靠油炸，而係慢火烤到蟹嘅油膏出晒嚟，但食落又唔覺得好油膩，加埋嘆住杯啡真係一流。 照片來源︰Pantry_twenty_one_from_eight@IG【廿一由八】（觀塘）人均消費：約 $80 - $100必點美食：軟殼蟹番茄乾發達芝士扁意粉 (連咖啡餐茶) $92、古典香橙費藍雪 $38/3件地址：觀塘鴻圖道鵬光大廈11樓電話號碼：96670154營業時間：星期二至日（12pm-6pm）；星期一休息 【侘寂咖啡】— 和風美學 X 咖啡店「侘寂」一詞源於日本，係欣賞簡陋樸素同寂寞流逝嘅結合。【侘寂咖啡】嘅命名就同時配合晒佢和風美學嘅裝修風格，為撫平都市人對平靜嘅渴望而提供一個地方。咖啡店內氛圍同街道外形成強烈對比，喺度嘆返杯啡同美食猶如「避世」。 照片來源︰wabisabi_coffee@IG咖啡店嘅lunch set選擇都唔少，除咗意粉之外，仲會提供日式咖哩飯、北海道忌廉雞飯等等，襯返呢個咁日系嘅環境！另外All day breakfast都係好多客人首選，份量夠多之餘仲有輕量版同和風版可以揀，啱晒比較細食嘅朋友！甜品就有蛋糕、燉蛋同奶凍，賣相夠晒吸引！一於拉埋D Frd去試下~ 照片來源︰wabisabi_coffee@IG【侘寂咖啡】人均消費：約 $100 - $150必點美食：Japanese All Day Breakfast $130、Affogato (lunch set+$40)地址：觀塘觀塘道396號毅力工業中心4樓C室電話號碼：25111929營業時間：星期一至六（12pm-6pm）；星期日及公眾假期休息 【Parc古道具公園】— 彷如置身法國小莊園呢間呢間具法國風味咖啡店，令小編不自覺哼起一首歌：「我的心事♪ 我最愛你是♩ 介乎法國與旺角的詩意♫」- my little airport《介乎法國與旺角的詩意》不過【Parc古道具公園】就唔喺旺角，而係觀塘！ 照片來源︰parc1900s@IG同樣藏身喺工廈，【Parc古道具公園】係一間傢品X古董X咖啡嘅法式古具店。店裡面擺滿由歐洲搜集，上百年歷史嘅古董傢俱，價錢嚟講都算親民，鍾意Vintage嘢嘅朋友唔好錯過呀~ 照片來源︰parc1900s@IG而佢哋提供嘅食物都別有一番歐式風味，更不時推出法式小吃、泡芙、甜品等等。當中最具人氣嘅就係Savory Crepe Brunch Set，三層架上面擺滿特色餐點，包括三文魚薄餅、田園沙律。 照片來源︰parc1900s@IG另外有French Special Crepe tea set for 2，適合同伴侶、好姐妹去嘆返個歐式下午茶！打返個卡！可以欣賞優雅古物之餘，仲當去轉旅行添！【Parc古道具公園】人均消費：約 $100 - $150必點美食：Savory Crepe Brunch Set $158、French Special Crepe tea set $268)地址：觀塘鴻圖道60號鴻福工廠大廈10樓B2號舖電話號碼：55440534營業時間：星期二至日（12pm-6pm）；星期一休息 【啡奴COFFEE SLAVE】— 簡約工業風 X 三五知已聚腳處【啡奴】咖啡店雖然係地舖，但就無冠冕堂皇嘅裝修風格，而係走簡約工業風。同該區嘅氛圍十分接近，一於入去睇下咩境！ 咖啡店面積唔算大，但開放式廚房設計增添咗唔小空間感，每到lunch時間氣氛就變得好熱鬧！對比起悠閒同清新路線嘅Café，【啡奴】會係畀你同朋友談笑風生、把「啡」談歡嘅好地方！ 照片來源︰coffeeslave.hk@IGLunch menu包括意粉、漢堡同All day breakfast，另有不時更新嘅限量供應定食，選擇都幾多喎！ 照片來源︰coffeeslave.hk@IG而【啡奴】真正賣點在於佢哋調製嘅啡，當中包括唔同特色口味，採用嘅咖啡豆同奶都非常講究，呢種態度就嚟自身為專業咖啡導師嘅老闆，而對質素有嚴謹要求嘅café真係零捨吸引人呀！ 照片來源︰coffeeslave.hk@IG【啡奴COFFEE SLAVE】人均消費：約 $70- $100必點美食：千島芝士雞扒漢堡 $100、All Day Breakfast HK $120地址： 觀塘鴻圖道43號鴻達工業大廈地下2a電話號碼：36195788營業時間：星期一至五（8pm-6pm）；星期六及公眾假期（10am-6pm）；星期日休息 觀塘打卡景點推薦 2022 嘆完個brunch，係時候搵地方玩下啦！提起觀塘大家可能都係諗起海濱公園同志明橋，其實仲有其他地方等住大家欣賞㗎~觀塘打卡景點1: 【多啦A夢博物館】（多迷館）尤其疫情出現咁耐，令一眾「多迷」無得去日本嘅藤子·F·不二雄博物館朝聖，不過早前觀塘就有位店主設立咗一間多啦A夢博物館，滿足住fans先！一到門口，已經感受到館內風格猶如夢幻王國，相信大人細路都會鍾意！ 照片來源︰dorafanshk@IG館內展出唔同嘅珍藏展覽品，包括多啦A夢 X CUCCI金牛造型聯名系列商品、限定隨意門造型書櫃等等。 照片來源︰dorafanshk@IG另外店主為館內劃分成唔同專區，方便客人欣賞呢度近3,000件精品，貨品超過9成源自日本，真係無花無假㗎！雖然嚟緊去日本已經唔洗隔離，不過等唔切嘅「多迷」不妨嚟一轉多迷館先啦！ 照片來源︰dorafanshk@IG【多啦A夢博物館】（多迷館）地址：觀塘區鴻圖道41號華鴻工貿中心6樓1B室電話號碼：36195788營業時間：星期一至五（8am-6pm）；星期六及公眾假期 （10am-6pm）；星期日休息觀塘打卡景點2. 【觀塘區後巷–活化後的藝術走廊】觀塘出咗名人多車多，真係想唱返首《哪裡只塞駿業里》，雖然首歌可能已經唔hit，但觀塘嗰種「塞」始終係永恆嘅…就因為咁，發展局喺2015年陸續邀請藝術家到區內後巷繪畫，希望活化地區，減少大街人流。 照片來源︰香港風物志 照片來源︰香港風物志其後又喺2017年「全地街馬」活動，再邀請14位藝術家同中小學生參與活化，令後巷「風景」生色不少～當中唔少塗鴉作品都極具風格，某啲更帶住強烈嘅控訴氣息，睇完會想反思我哋呢代嘅社會現況~大家記住行過觀塘，又唔想同人迫嘅話…不妨入後巷欣賞下！ 照片來源︰香港風物志觀塘打卡景點3. 【志明橋】志明橋對大家嚟講都唔陌生，由2010年《志明與春嬌》出現喺大眾眼前到依家咁耐，熱潮難免有啲減退，但肯定成為咗觀塘區標誌性建築物之一！其實志明橋最早興建喺70-80年代，當時圓拱型頂部設計係為咗有助去水，加上一身清新、獨特嘅配色，結果令條橋睇落好似時光隧道一樣，去到今時今日都仲係大眾嘅打卡熱點之一！有時同伴侶咁啱行過，都忍唔住停低影返幾張靚相㗎~ 相片來源︰judyhker@IG 相片來源︰manyi_423@IG【志明橋】地址：觀塘區偉業街、大業街交界營業時間：24小時開放觀塘打卡景點4. 【觀塘海濱公園】而人氣最旺盛嘅地方，除咗APM以外一定係觀塘海濱公園。 照片來源︰aandmdiary接近1000米長嘅海濱走廊上面，設施種類可以話係非常充足同具備特色，包括音樂噴泉同嬉水區、表演場地、觀眾看台、兒童遊樂場、太陽能涼亭、長者健身角、健身站、感官花園、觀景亭、海濱樹木徑、休憩草坪、小食亭…茶餘飯後黎行下，吹吹海風，真舒服。 照片來源︰google難怪每逢節日都一定人潮湧湧！就好似啱啱過去嘅中秋咁，完全迫到爆晒，絕對係觀塘戶外景點人氣No.1呀！ 照片來源︰google【觀塘海濱公園】地址：香港九龍東觀塘區觀塘海濱道183號電話號碼：2346 8538營業時間：24小時開放觀塘SPA水療按摩推薦2022返工咁疲勞，放假/收工緊係想鬆一鬆，但觀塘區要搵間又靚又高質既水療Spa都唔係咁容易，等小編為大家推薦一間$300以下CP值極高嘅水療Spa店啦!點擊圖片放大 試勻全觀塘Spa水療店，試過最正既一間：InzpireInzpire有多項療程畀顧客選擇，包括：青竹撥筋、 古法活面筋、無痕脫疣、活面眼經、經筋伸展等等，仲有皇牌人氣療程–深層刮痧排毒護理，每項療程因應客人需要，你想要嘅功效佢哋都俾到你！而且呢間SPA同時歡迎男女顧客，呢個週末就一於拍住拖嚟啦，一次過滿足你兩個願望呀~~皇牌項目—《經絡深層刮痧排毒護理》／45分鐘成日長期留係冷氣房，小編嘅身體經常都覺得「沾寒沾凍」咁…有試過飲怯濕茶，但功效好似都差少少。為咗調理身體，就決定試試Inzpire皇牌【經絡刮痧排毒理療】！做完發現Inzpire係採用刮痧儀取代傳統工具，做起上嚟一啲都唔痛，但出痧嘅效果依然明顯！加上刮痧前嘅開穴按摩，成個人好耐都無咁放鬆啦！ 療程包括：人手腰背開穴經絡按摩專利經絡深層養生刮痧深層經絡穴位電導按摩新客戶優惠：$228／次；$628／3次 （送經絡穴位排毒瘦面60分鐘）按我登記《經絡深層刮痧排毒護理》 針對腿部浮腫《青竹撥筋排酸去水理療》／45分鐘「撥筋」係古代流傳至今嘅養生手法，可以解決腿部水腫同埋肌肉硬化嘅問題。對於平時長期坐office嘅朋友們，久坐會令小腿都好腫脹，做完療程小腿就無咁繃緊，即時睇到對腳瘦咗啲！ 療程包括：腰背經絡開穴按摩銅療經絡排毒排酸天然青竹撥筋療法新客戶優惠：$238／次；$638／3次 （送經絡穴位排毒瘦面60分鐘）按我登記《青竹撥筋排酸去水理療》 除咗身體按摩，Inzpire仲有好多唔同嘅美顏項目：針對去黑眼圈嘅《經絡磁療活眼經療法》、疏通面部經絡嘅《經氣古法活面筋理療》，有興趣可以到佢地網站睇嫁。 Inzpire 撥筋美顏．刮痧專家 (必須預約)人均消費：約 $200-$300地址：觀塘成業街6號泓富廣場15樓08-09室 (港鐵B2出口)聯絡電話：6348 8165網站預約：https://inzpire.hk/promotions/營業時間：星期一至五（12nn-9pm）/星期六至日（10am-7pm）
