港島區邊到最多嘢玩？第一時間一定會諗到銅鑼灣！銅鑼灣作為港島人氣旺區，當然集合咗好多餐廳美食、Cafe、按摩spa、打卡景點等。等小編為你推介銅鑼灣好去處，幫你輕鬆計畫銅鑼灣一日遊行程！ 銅鑼灣美食餐廳(Café)推介吸睛打卡圓形卡位Cafe：Missing LinkMissing Link座落於銅鑼灣耀華街，原本呢到係一條酒吧街，而家漸漸變成Cafe街。米白色配上粉橙色嘅設計令人覺得溫暖柔和，最受歡迎嘅打卡位就係門口，同埋店內嘅圓形卡位。 照片來源：koffeekt_@IGScrambled Egg Avocado Toast $78擺盆好精緻，食落牛油果夠熟，有滑溜牛油果香～大大份嘅炒蛋有濃郁蛋香之餘，超級滑溜，配上有厚度既酸種麵包，脆脆的包邊帶來更多樣化的口感☺️ 照片來源：poorpigpig@IGMissing Link人均消費：約 $101 - $200地址：銅鑼灣耀華街10號地舖電話：9089 2290營業時間：星期一至五（8:30am-6pm）；星期六、日（9am-6pm） 人氣手打Burger：MOOMOOPlusMOOMOOPlus位於銅鑼灣百德新街，主要以英式酒吧作主題，既有戶外吧台位，又有梳化坐，對住海皮，感覺相當之chill！除咗提供各款特色漢堡之外，仲供應各款酒類，啱晒收工同朋友chill一chill。[caption id="attachment_16351" align="alignnone" width="600"] 照片來源：cowwww.food@IG[/caption]銅鑼堡 $198銅鑼灣店設有獨家漢堡「銅鑼堡」，即鵝肝安格斯芝士牛堡，大大塊鵝肝疊在漢堡扒上，夠晒豪華。 照片來源：themoomooburger@IG招牌雙重芝士牛肉漢堡 $168漢堡以2:8肥瘦牛肉打製而成，非常厚身，牛味重而且好Juicy！加埋配製調味料，食落好有層次。 照片來源：cowwww.food@IGMOO MOO Plus人均消費：約 $101 - $200必點美食： 銅鑼堡配黑松露薯條 ($198)、招牌雙重芝士牛肉漢堡配薯條($168)地址：銅鑼灣百德新街59-65號Fashion Walk地下C&D號舖電話：5691 2880營業時間：星期一至六（12nn – 12am）；星期日（12nn – 10pm） 復古工業風Cafe：Urban Coffee RoasterUrban Coffee Roaster近年成為年輕人嘅人氣熱門打卡café，吸引咗唔少人特地前來朝聖打卡。佢地採用復古工業風裝潢，以水泥地配上木質色調同皮櫈。店內環境同座位間隔寬敞，整體感覺舒適，最緊要係光猛嘅環境十分適合打卡。 照片來源：urbancoffeeroaster@IG松葉蟹肉飯配炸軟殼蟹 $148被評為「少數咖啡及主食同樣出色」既cafe，Urban Coffee Roaster不論飲品或食物味道都高質。炸軟殼蟹松葉蟹肉飯提供原隻軟殼蟹，外殼酥脆同時裡面亦好juice飯中加入蟹肉及蟹籽，整體好夾。咬開蟹中間會有蟹黃流出黎。真係極度推薦大家簡呢碟炒飯食。 照片來源：urbancoffeeroaster@IGUrban Coffee Roaster人均消費：約 $101 - $200地址：銅鑼灣京士頓街9號Fashion Walk地下D號舖聯絡電話：3594 6569營業時間：星期一至五（11am - 10pm）/星期六至日（10am - 10pm） 惡搞玩味打卡Café：Mamaday Café CWBMamaday係台北過江龍Cafe，全店嘅裝修、餐牌、細緻到連洗手間都十分搞鬼整體裝修好Colorful，店內融合咗唔少香港特色元素，好似香港有名嘅霓虹燈招牌，連餐紙巾都印上香港電影經典角色同金句。作為有名的銅鑼灣打卡café，大家記得預留多啲時間喺到打卡！ 照片來源：mmd.mamaday@IG「點解個個都叫軟殼蟹比薩架？」 $138Pizza為薄餅底，面層加咗芝士、千島醬，再加上原隻酥脆香口嘅軟殼蟹，香脆微焦配搭濃郁芝士味，超正～ 照片來源：mmd.mamaday@IG唔好抱咁大期望蒲燒鰻魚蛋包飯 $124就咁睇賣相已經好吸引，充滿蛋汁嘅滑蛋包住成個飯，搭上半條蒲燒鰻魚，入口甜甜地之餘又帶點焦香，整體唔會太鹹，連埋外層嘅蛋同埋木魚一齊食，味道鹹甜，口感濕滑，又有層次，推介！ 照片來源：mmd.mamaday@IGMamaday Café CWB人均消費：約 $101 - $200必點美食：「唔好抱咁大期望蒲燒鰻魚蛋包飯」($124) (可加$28升級原條鰻魚)、「點解個個都叫軟殼蟹比薩架？」($138)地址：銅鑼灣霎西街28號必發大廈1樓電話：2164 0066營業時間:星期一至日（12nn-4:30pm、5:30pm-10pm） 銅鑼灣性價比高Cafe：No Boundary 無邊銅鑼灣No Boundary位於希雲街，裝潢以黑色為主，擺設別具特色，型格得黎又有復古感。No Boundary主要以大件夾抵食嘅All Day Breakfast同多國菜為主。 照片來源：no.boundary.hk@IG招牌菜 No Boundary Deluxe All Day Breakfast材料包括煙三文魚、德國煙燻香腸、炒蛋、楓糖煙肉、波特菇等等，淨係賣相已經好吸引，色香味俱全，鹹甜適中，鮮美多汁，除咗呢個外，仲有好多有款式同配料選擇，深受客人歡迎嫁。 照片來源：no.boundary.hk@IGNo Boundary 無邊（銅鑼灣）人均消費：約 $101 - $200必點美食：No Boundary Deluxe至尊無邊全天早餐（$128）、菠菜汁雞肉野菌扁意粉（$98）地址：銅鑼灣希雲街9號地下電話號碼：2219 9488營業時間：星期一至五（12nn - 10pm）、星期六至日（11am - 10pm） 銅鑼灣打卡景點推薦2022 叫得銅鑼灣一日遊，食完嘢緊係要去玩啦，推介幾個銅鑼灣附近嘅特色景點比大家。 銅鑼灣打卡景點：大坑大坑喺銅鑼灣同天后中間，係鬧市中既一片靜土。大坑有唔少特色既美食小店，除咗有幾間文青打卡Cafe (Sonne CAD、HeyDay Cafe、Fineprint)，手工啤酒吧Second Draft，亦有充滿香港懷舊味道既鐵皮茶棟炳記、茶記順興！ 上圖為Cafe Sonne CAD，照片來源：angelamiuz@IG大坑有間由三級歷史建築大樓活化嘅The Shophouse可喝茶、嚐咖啡外，更有不定期的藝術展覽。值得一提仲有日式五金鋪「金社」，完全打破對五金鋪既舊有印象！ 照片來源：theshophousehongkong@IG 全港唯一圓形公屋打卡景點：勵德邨勵德邨一共有8座大廈，喺1975年建成，第1至4座係以圓柱形設計，亦都係香港唯一一個以圓筒形設計既建築。外面睇已經好特別，但勵德邨最人氣打卡位其實係內部既天井位，無論係由上望落去，抑或係由下望上去，又或者係喺中間樓層觀摩，都有好特別既視覺效果。 照片來源：henrykan_film@IG 照片來源：stephen_mrx_leung@IG 銅鑼灣景點：虎豹別墅虎豹別墅由「萬金油大王」胡文虎建造，以前係私家別墅黎嫁，當年開放左別墅既其中一部分「萬金油花園」比公眾參觀，由2011年起進行活化工程，直到2019年終於再次開放。虎豹別墅係中式文藝復興建築風格，別墅內裝有意大利彩繪玻璃窗、受印度同緬甸影響既雕刻，以及鍍金壁畫。點擊圖片放大 照片來源：hhazelsdaily@IG 銅鑼灣睇日落隠世景點：銅鑼灣避風塘燈塔香港人一定食過避風塘炒蟹啦，咁避風塘燈塔你去過未？銅鑼灣避風塘燈塔睇日落絕對係一流，算係一個非常隠世既地點，雖然非常容易到達，但又不算是十分熱門。景觀開揚，有如喺海中心睇日落，銅鑼灣避風塘絕對是一個絕佳的休閒好去處。 照片來源：clym_.hk@IG 銅鑼灣SPA水療按摩推薦2022平日返工咁攰，放假一定要鬆一鬆，放低全星期嘅疲勞！小編為大家推一間$300以下CP值極高既SPA水療按摩店 — Inzpire Inzpire有多款刮痧按摩讓客人選擇，包括：刮痧排毒、穴位按摩、精油按摩、青竹撥筋等等，均有助放鬆肌肉同解除疲勞，有興趣嘅朋友不妨為自己充充電吧！位於銅鑼灣廣埸一期的Inzpire，過佔地萬呎，一入去就覺得好寬敞～點擊圖片放大 小編成日都想同男朋友一齊去按摩推拿，無奈市面上好多按摩店都唔接受男客戶，終於搵到間係男女客戶都接受既～因為每間都係獨立房間，私隱度極高！２人同行仲可以安排到雙人房㖭！Inzpire主打中式經絡養生美顏，店內仲有註冊中醫駐埸，感覺好可靠！當中經絡刮痧同青竹撥筋就係佢地皇牌療程：皇牌項目—《經絡深層刮痧排毒護理》／45分鐘新客戶優惠：$228／次；$628／3次 （3次送經絡穴位排毒瘦面60分鐘）小編平時好中意周圍按摩刮痧，試完 Inzpire《經絡深層刮痧排毒護理》覺得同傳統嘅牛骨刮痧、拔罐好唔同！為咗養生，平時即使覺得刮痧好痛都會硬住頭皮忍痛，仲試過比人刮到皮膚損咗！而Inzpire嘅刮痧係用專利養生宗筋儀，完！全！唔痛！做既時候暖暖地，只係做左幾下，背脊已經出哂痧！ 療程包括：人手腰背開穴經絡按摩專利經絡深層養生刮痧深層經絡穴位電導按摩按我登記《經絡深層刮痧排毒護理》粗小腿請看《青竹撥筋排酸去水理療》／45分鐘新客戶優惠：$238／次；$638／3次 （3次送經絡穴位排毒瘦面60分鐘）「撥筋」近年喺香港興起，Inzpire青竹撥筋可以揀做雙腿/肩頸背小編就淨係試過做小腿撥筋～因為平時成日坐，搞到小腿好腫脹青竹撥筋就可以解決腿部水腫同埋肌肉硬化嘅問題，做完小腿真係無咁水腫，即時睇到對腳瘦咗啲！ 療程包括：腰背經絡開穴按摩銅療經絡排毒排酸天然青竹撥筋療法按我登記《青竹撥筋排酸去水理療》除咗身體按摩，Inzpire仲有好多唔同既美顏項目：針對去黑眼圈嘅《經絡磁療活眼經療法》、疏通面部經絡嘅《經氣古法活面筋理療》，有興趣可以到佢地網站睇嫁。 Inzpire 撥筋美顏．刮痧專家 人均消費：約 $200-$300地址：軒尼詩道489號 銅鑼灣廣場一期1902-1905室聯絡電話：6348 8165網站預約 (必須預約)營業時間：星期一至五（12nn - 9pm）/星期六至日（10am - 7pm）
