話說早前中左covid之後，身體抵抗力弱左，比細菌感染入咗醫院住咗兩日一夜，好彩可以claim下醫保。由強制隔離claim隔離現金，到入院治療果7皮野，今年7月到而家就差唔多claim成10萬⋯⋯不如趁呢個機會，寫下我對保險同理財嘅認知同睇法。我係咪hard sell呢，真係見仁見智，有用咪資訊，冇用咪sell嘢囉！回歸正題，好多人心目中，保險係有事claim錢，冇事就係嘥錢；所以呢個產品唔係咁容易推廣，因為冇人希望用得著。亦因為咁，好多agent都會不厭其煩咁,提醒你忽略咗啲乜嘢風險 :-P不如做個測驗先: 選擇A嘅朋友：唔好咁sad，問責制其實都公平嘅，自己中嘅伏自己孭無可厚非。不過下次見到menu有新嘢，真係未必敢叫。選擇B嘅朋友：睇黎你嘅人緣唔錯！雖然中伏，但勝在兄弟姊妹多，邊個瀨嘢都好，大家分擔，嘻嘻哈哈又攪掂。知道有人分擔，下次見到新嘢都唔怕試！ 保險嘅原意係乜呢？保險係一個助人自助嘅工具，亦係一個人嘅lifestyle / 生活品質。保險公司集合風險，計算發生機率同潛在財務損失，再將佢變成一個個計劃。投保人透過支付保費，共同分攤風險同洗費。我哋保障自己，令自己更舒適之餘，亦可以free番啲社會資源出黎，俾更有需要嘅人，唔係更加好咩。我哋傾向期待好事發生，唔好嘅事就時運高睇唔到。但想還想，未必定好追求嘅目標；唔好嘅事，我哋逃避多於規避。其實只要積極plan好啲，生活可以過得更慳水慳力，實實在在過開心嘅小日子。
