有好一排冇返屯門喇,屋企人推介話附近開左間好食又抵食嘅西餐~叫我一齊嚟Dineland試下晚餐🍽點擊圖片放大 「🥖黑糖餐包+🥕甘筍忌廉湯+🐮風乾牛肉沙律」熱辣辣嘅黑糖餐包鬆軟又香口~深得我兩個寶貝歡心❤️而侍應姐姐亦都好好人,見佢地鍾意請多2個佢地食~至於甘筍忌廉湯,一啲草青味都冇,清新得嚟甜甜地~餐湯配餐包,perfect 👍🏻仲有風乾牛肉沙律,塊風乾牛肉味道極香濃~配上酸酸味味嘅沙律菜,作為前菜夠曬開胃~ 「🦐🦞海鮮拼盤」&「🦪半打日本真蠔」+$$就可以2選1~海鮮拼盤啲海鮮全部都好鮮甜~特別係啲翡翠螺,又甜又彈牙😋不過啲蠔屬於法國蠔,偏鹹同重金屬味~就係唔係太啱我地嘅口味喇~於是又order咗半打日本真蠔~日本真蠔類細細隻,但就蠔味偏甜,淡淡果香~ 「🐦經典鴨肉醬闊帶麵」&「🦀新鮮海膽蟹肉意粉」我好鍾意食鴨,鴨肉醬會比起一般用牛肉醬個味嚟得冇咁鹹濃,但好香鴨味~配埋闊帶麵,條條都掛曬醬汁,正😋至於海膽蟹肉意粉,喜愛海鮮嘅一定會點~海膽蟹肉都夠曬鮮甜,配上煮得啱啱好嘅彈牙意粉,回味無窮👍🏻 「🍄即刨黑松露帶子意大利飯」&「🐽西班牙黑豚豬鞍扒配蜜糖芥末籽汁」先講黑松露帶子意大利飯,係用左即刨黑松露~啲香氣係用醬冇得比嘅,而帶子亦都剛好~整體高質✨✨不過配上意大利飯,一個人食就會覺得易濟稍膩左啲,同人一齊share食就good good la👍🏻至於豬鞍扒,外表勝於內在,一望到真係好吸睛㗎!👀不過入面肉質就鞋口左啲,同埋冇乜肉味,係靠返個蜜糖芥末籽汁搭夠~-「🍝Dineland (屯門) 」📍屯門良德街3號豐連地下1號舖~*~*~*~*~*~*~*~*~*~*~*~*~*~ ♥歡迎各品牌聯絡合作♥ ♥Facebook page: harihari ハリハリ ♥Instagram: inkitsung / harihari_beauty ♥Youtube: harihari_beauty ♥E-mail: inkitsung@yahoo.co.jp ♥小紅書號:603544566~*~*~*~*~*~*~*~*~*~*~*~*~*~*