遠近馳名嘅💗粉紅色少女心爆發打卡西泰fusion菜-「Lady Nara」終於有機會帶屋企個小公主嚟試試，粉紅色又有靚靚藤椅妹妹睇見就開心❤️由於2間餐廳痴埋一齊，記得入座個時要講自己食西餐🍽 「🥖青咖喱青口煲配蒜蓉包」講明西泰fusion，絕對唔係單單青咖喱咁簡單～有溝到忌廉，明顯個咖喱質地比較細滑～亦都唔會太辣，味道比較柔和～青口亦都夠厚肉，配脆卜卜嘅蒜蓉包一齊食至高享受❤️點擊圖片放大 「🦞龍蝦冬蔭意粉」一啲都唔冬蔭功嘅冬蔭意粉～有冬蔭功嘅微香冇冬蔭嘅酸辣～啱唔食得辣又想食海鮮意粉嘅sis~賣相好靚，🌸好多花花伴龍蝦～龍蝦好彈牙，意粉都係比較粗身有咬口～條條意粉都掛滿醬汁，好食但唔太有驚喜～ 「🦀蟹肉長通粉」推薦🌟呢款必點！本來為左比妹妹食而點，冇乜期望偏偏最好食係佢～蟹肉量好多！非一般長通粉感覺似手造粉～明顯質地好實在好有咬口唔會粉同散～醬汁個人覺得有啲帶日式忌廉嘅感覺～配埋芝士蟹子蟹肉一齊食，口感豐富唔膩～啖啖都好滿足😋妹妹自己一個都清到大半碟👍🏻 「🎍炒露荀」我老公一句：「啲咁精緻嘅西餐，佢嘅清炒菜一定高質」確實如此，露荀非常幼嫩！唔知點解平時自己買泰國露荀炒都買唔到咁嫩嘅🙈至於味道就係牛油蒜香炒，新鮮好食😋 「🦋荔枝玫瑰蝶豆花茶」打卡勝於味道嘅茶，為左隻💜夢幻紫你一定會點！我就覺得冇乜玫瑰味反而重荔枝味，味道偏甜～本身蝶豆花茶就係冇乜茶味，冇lime帶返個味出嚟就係爭啲～點擊圖片放大 「🍨紫薯香芋班戟配雲呢嗱雪糕」妹妹指名要食！🌈賣相色彩繽紛好開心～整體好食，班戟鬆軟，紫薯同香芋味都突出～配埋啲椰子絲同雜莓等配料，自帶左泰味～感覺好似班戟版嘅三色冰🤣🤣🤣Lady Nara (尖沙咀)📍尖沙咀廣東道3-27號海港城港威商場3樓3303號舖
