點擊圖片放大 說話之前小朋友參加比賽送左蝶豆花園門票～而我地從來都未去過，咁就一於去玩下睇下喇～先旨聲明，玩完之後我對佢評價係好壞參半～住附近近近地嘅朋友可以一去再去，要專登抽時間入去嘅話認真去過1，2次已經足夠～點擊圖片放大 為左羊駝而嚟，所以先講一講，親親羊駝屬於收費項目～價錢$60@1位（大人小童同價），包1盒飼料20分鐘，貴定平定義就因人而異喇～由於我見過最靚嘅羊駝係日本，個隻係超星級，毛色超白超滑勁鬆軟～相比起呢度嘅港版羊駝，為左好辨別剃到佢地啲毛怪怪地⋯⋯點擊圖片放大 但係呢度嘅羊駝佢地都好溫馴，亦都冇乜味，任摸唔嬲～不過就極度為食，一盒草多過蘿蔔嘅飼料，啲蘿蔔2野就比搶食光曬lu~而除左羊駝，係親親動物園入面仲有好多兔仔同3隻羊，有時間可以過去睇埋～點擊圖片放大 +2 至於其他打卡景點，例如：天空之鏡、風車花海、花花隧道⋯⋯etc全部係打卡呃like相勝於實際，亦都因為依家唔係花期，所以都冇靚靚花海影另外觀光船亦都係收費項目$50@1位（大小童價），由於我啲小朋友太細踩唔到所以都冇同佢地玩喇～點擊圖片放大 +5 比較值得一提嘅景點就係「兒童遊樂場」，小朋友會超鍾意～咩類型嘅遊樂設施都有傳統嘅攀爬架，長長嘅滑梯，充氣彈床⋯⋯最得意係嗰個倉鼠轉轉轉，咁啱屋企又養咗倉鼠～佢哋可以喺入邊模擬倉鼠玩跑輪，覺得非常好玩～點擊圖片放大 +2 最後食個方面，全部都以藍蝶花嘅飲品同食品為主～藍蝶花雪糕球（$25），藍蝶花特飲（$50）～味道全部都ok 嘅，特飲我覺得靚之外絕對係好飲添～以樂園嚟計，呢個價我亦都接受～同埋都有好多羊駝主題精品紀念品售賣，而且蓋滿三個印章，都會有小小紀念禮品一份！ 《大埔碟豆花園》地址：大埔鳳園路8號 （大埔墟火車站A出口坐20P綠色小巴直達）Website: http://www.butterfly-valley.com/~*~*~*~*~*~*~*~*~*~*~*~*~*~* ♥歡迎各品牌聯絡合作♥ ♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty ♥ E-mail: inkitsung@yahoo.co.jp ♥小紅書號：603544566~*~*~*~*~*~*~*~*~*~*~*~*~*~*~
