基於家族遺傳，本身我細細個就已經有哮喘加濕疹～所以好耐以前我媽媽已經同我去做過敏測試～但以前個個年代就只有「皮膚點刺測試」～即係係對手畫滿格，就直接將少量過敏原針刺落皮膚度，再觀察過敏紅腫反應～咁呢個方法我自己就覺得對小朋友唔太友善～我到今時今日都仲好清楚記得兩對手敏感到紅晒，好痕好痕～而到左今時今日係過敏測試科技方面已經進步咗好多～「IgE敏速知」就只需要抽血就可以完成檢測，而且精準度仲高好多添！點擊圖片放大 唔好彩我嘅濕敏問題有遺傳到比我個囡～係佢3歲前整個BB時期都係比濕敏嚴重困擾～每日嘅生活可以用三個字嚟形容-「爛、血、喊」～雖然依家皮膚好咗好多，但預防方面都係不容忽視～特別大個女左無論環境定食物佢接觸到嘅種類都會多咗～而哥哥睇落好似冇野咁，但始終有家族史，檢測一下會比較安心～至於我自己都隔左咁耐時間，都希望可以了解一下會唔會有咩轉變～先了解後對策，守護一家人嘅健康係好緊要～點擊圖片放大 只需要到有提供「IgE敏速知」嘅診所/醫院就可以做到檢測～而抽血過程其實好快好簡單，只需要5ml嘅血液就已經可以檢測到78種環境及食物嘅過敏原～可能大家會擔心小朋友抽血時會驚會喊，完成唔到～但我自己就覺得只要我地大人比到安心小朋友～自己千祈唔好緊張，保持住輕鬆開心嘅心情就一定可以做到～至於檢測結果大概一星期到就會收到，會以class 0-class 6 分析風險指數～好開心我同哥哥份報告都好”靚仔”, 係妹妹就差d~而最估唔到佢對佢最鍾意嘅蕉蕉都有敏感～ 濕疹未必可以斷尾，但可以好好預防同控制～我係一個好例子，妹妹亦都係一個好例子～個人小小心得，如果檢查出對某種食物有少量過敏反應～其實唔需要完全戒食，可以嘗試少量～話唔定久而久之就唔會對個種食物有過敏反應㗎～各位同路人加油呀！濕疹過敏唔可怕～只要了解過後作出適當嘅預防及治療一樣都可以健康正常咁生活～雅士能基因科技有限公司Website: www.xcelom.comFacebook page: https://m.facebook.com/T21HK/Instagram: @t21hk~*~*~*~*~*~*~*~*~*~*~*~*~*~♥歡迎各品牌聯絡合作♥♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty♥ E-mail: inkitsung@yahoo.co.jp♥小紅書號：603544566~*~*~*~*~*~*~*~*~*~*~*~*~*~*
