點擊圖片放大 今個5月海洋公園將由8 至 31 日逢星期六、日及公眾假期舉辦「海洋公園 x Spartan 小勇士學堂」～一眾小朋友係園區探索大自然之餘，更可以係Spartan(斯巴達)專業教練嘅帶領下～體驗集遊樂及自我挑戰於一身嘅運動同障礙賽訓練～活動開放予 4 歲或以上嘅小朋友～只需要係高峰樂園設置嘅特訓站現場預先登記就可以參加，無需要額外再付款～我2個小寶都挑戰左好幾個項目，全部都一一擊破，順利完成添～點擊圖片放大 「拖泥帶水特訓站」一個可以好好鍛練上身力量嘅運動～只要利用繩索將障礙拉動到身體前方～然後再將障礙拉回到起點，並將繩索繃直就完成喇～呢個妹妹冇挑戰到，重任就落左系哥哥身上～聽住指示都拖得好好，好快都完成lu~點擊圖片放大 +2 「斯巴達翻沙包特訓站」呢個項目需要運用到全身力量！需要雙手握住沙袋，運用腿部力量將沙袋提起，然後就將沙袋掉到膊頭後面～唔同年紀個沙袋重量都會有少少唔同，所以都唔需要擔心小朋友會做唔到～反而最大敵人係太陽伯伯，因為呢個位置冇遮冇擋～當日各位小朋友都好厲害，個個都好勇敢，烈日當空下都好努力去完成呢個任務呀！點擊圖片放大 「一擲乾坤特訓站」呢個係將標槍投向靶上，擊中靶上目標就可以喇～2個小寶見到支標槍就好興奮，佢地都係第一次玩～確實掟標槍要掟得遠都好需要技巧～試左幾次越掟越遠都好叻叻啦～點擊圖片放大 +7 「天羅地網特訓站」玩法好簡單就係從障礙繩網中嘅一端穿越至另一端～呢個我睇見都覺得好好玩，發現妹妹敏捷度好過哥哥d~哥哥都會偶爾撞繩，妹妹就冇喇～話咁快就完成左3次，2個意猶未盡仲想繼續玩添～點擊圖片放大 +5 「時空隧道特訓站」最後玩嘅一個訓練就系呢個捐隧道，簡單咁從隧道嘅一端穿越至另一端～話就話挑戰膽識，不過日光日白玩，個個小朋友都捐得好開心～快速地捐完一條又一條，玩得不亦樂乎～ 每節「小勇士學堂」長15至20分鐘，每日名額有限，先到先得㗎～而係5 月 29 日海洋公園更加舉行「香港斯巴達兒童賽 2021」～比賽分為兒童競賽組及兒童公開組，設有 1.6 公里及 3.2 公里賽道，歡迎 4 至 13 歲小朋友參加～詳情及細則請瀏覽: www.spartanrace.hk/en/race/detail/7499/overview。~*~*~*~*~*~*~*~*~*~*~*~*~*~♥歡迎各品牌聯絡合作♥♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty♥ E-mail: inkitsung@yahoo.co.jp♥小紅書號：603544566~*~*~*~*~*~*~*~*~*~*~*~*~*~*
