點擊圖片放大 疫症嚴峻，難為讀緊書嘅小朋友～不停嘅網課學習，應該正常要有嘅學習環境都冇曬，一年都唔知有冇返到半年學～而我個大囝比比更加係最尷尬嘅一年，因為佢已經讀緊K3，要揀小學升小學～咁係升定唔升呢度我都掙扎左好耐，最終就係最後一刻我先決定留K3~咁決定咗留就會有好多程序要去處理，今次就係度同各位媽媽分享一下～點擊圖片放大 首先有計劃嘅時候一定要先問清楚依加讀緊嘅幼稚園黎緊一年會唔會有位比小朋友留班～跟住就需要同最麻煩嘅教育局聯絡喇～點解話最麻煩呢？因為要聯絡2個唔同部門～分別係小學部以及另一個幼稚園部～小學部主要就係聯絡返要「撤銷本年度小一入學申請」～因為一個小朋友一生可以有一次機會去入讀官立/津貼小學～會經自行分配再進行統一派位去揀小學～要去撤銷呢件事最煩係聯絡小學部嘅同事，由於唔係即時可以聯絡到負責你該區嘅主任～會先經前線嘅同事，我第一次打電話去差d就比個前線嘅同事呃咗～我同佢講呢件事，佢第一句就係「你已經進行左自行分配，你冇得撤銷架喇，你冇架喇⋯⋯」嚇到我心都離一離，我自行都未有offer點解我唔可以？好彩我都有揾返學校方面嘅老師再問清楚程序，亦都再有打電話再詢問～最終揾到負責當區嘅主任，得到確實嘅回覆係「只係進入左自行分配階段，係可以撤銷本年度小一入學申請」～但你要準備返一份聲明，書面去信通知返當局～而當局亦都會回信通知返你結果嘅～點擊圖片放大 到幼稚園部，主要就係要申請延長「幼稚園入學註冊證」有效期～如果你讀緊嘅係學券幼稚園，就需要申請呢個出年先可以繼續享有免費幼稚園教育～如果唔係來年重讀你就要比學費架喇～咁申請呢個都係需要遞交聲明，亦都要有小朋友嘅學習評估報告加醫生信～證明小朋友有特殊情況需要去重讀幼稚園～由於我比比係早產嬰兒，係學校亦都一直有上緊早期教育訓練所以亦都好順利申請到喇～點擊圖片放大 好喇，咁點解升或留，係呢2揀1入面我最後都係揀左留呢？其實家人好早已經有意見想佢留，但我都有再問班主任同埋學前支援老師嘅意見～首先比比真係算係細B, 而係學習，大小肌肉等等各方面唔係完全跟得上同齡小朋友～其次我目標學校係直資/私校，今年結果最多都係得waiting ～而自行分配方面今年就算有適齡10分，佢都係得15分根本入唔到心儀嘅學校～所以就算出年冇左都影響唔大，不如比個機會大家再裝備好，同妹妹一齊再博過喇～最後係呢度都鼓勵一眾同路媽媽，無論升定留都一齊加油呀！ Photography ：Hari PhotographyFacebook：https://www.facebook.com/hedgehog.lover.hk/Instagram：@hariphotography1028讀者優惠：使用優惠碼"inki01"，購買任何攝影套餐，可享當日拍攝之全數相（JPG檔）~*~*~*~*~*~*~*~*~*~*~*~*~*~♥歡迎各品牌聯絡合作♥♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty♥ E-mail: inkitsung@yahoo.co.jp♥小紅書號：603544566~*~*~*~*~*~*~*~*~*~*~*~*~*~*
