同小朋友學完攀石後過左去 megabox 「揾食」～2個小寶比Hoihoi 嘅門面同班戟嘅誘惑而吸引咗～坐低先知「HOIHOIPancake House」來自名古屋嘅人龍店，餐廳走夏威夷風格～唔怪得之Menu入面有好多「夏威夷」字眼～今次全權由2寶發板，點左「士多啤梨梳乎里班戟」、「原味夏威夷班戟」、「照燒夏威夷風漢堡蛋飯」～ 「士多啤梨梳乎里班戟」絕對係人氣招牌之選賣相色彩豐富，睇見都開心～味道方面梳乎里班戟非常軟綿綿仲充滿蛋香～但係好有質感，唔會覺得食空氣～配上同樣幼滑細綿嘅忌廉，香甜士多啤梨～濃郁莓香配上忌廉梳乎里班戟嘅綿滑，一啖⋯即刻心情都愉快起來☺️☺️ 「原味夏威夷班戟」一上枱我兩個小寶興奮到「哇哇叫」疊到高一高再加上2大片誘人牛油，就好似畫出黎咁夏威夷班戟即係平時食開嘅美式鬆餅～此款跟梳乎里班戟完全唔同嘅感覺～質感比較實在，但又比平時食到嘅美式鬆餅厚～厚得黎鬆軟唔硬，而且重奶香味配牛油單食其實已經好味，但加上楓糖更令人滿足～ 「照燒夏威夷風漢堡蛋飯」多數甜品優勝鹹食會稍遜～呢個都唔例外，普普通通～成個調味剛好，醬汁亦足夠，撈飯一流抵讚但重點漢堡扒，表面位置較燶質地偏硬～入面亦都不太有牛味，而且未做到好軟淋～整體不過不失喇～ 另外私心❤️加分係佢地揀歌方面，居然loop左2首V6嘅歌作為忠粉10個讚「HoiHoi Pancake House (九龍灣)」九龍灣宏照道38號企業廣場5期Megabox 1樓19-20號舖
