啱啱月頭打完疣後出左個ig story, 估唔到比大家炸左我個inbox~原來我有好多朋友都有呢個問題! !只係一路都未諗到去邊度做好，又或者做完之後點護理等問題～所以我決定出一篇blog同大家分享一下是次經驗～ 首先強調⋯強調！做CO2 Laser「打疣」一定要揾專業嘅醫生去做！因為疣係由過濾性病毒所引致，係屬於「傳染性皮膚病」～「脫疣」絕對係醫療項目，可屬醫療保險受保範圍～當然你買嘅醫療保險到底有冇包，保障額幾多等等嘅問題就要諮詢返你嘅保險顧問喇～是次我冇特別影醫生幫我做嘅過程，因為本身都冇諗住公開～但經醫生評估後，我聽到都嚇一跳，原來我塊面都有成百粒我一路以為係油脂粒嘅一粒粒原來都係疣～進行療程前會先係面上搽上麻醉膏，咁本身我比較易敏感，所以會先搽上一層底霜再上麻膏～而醫生手勢都好好，非常細心～我圍住眼皮嘅位置佢都脫到，雖然感覺有少少痛～咁激光療程完左之後最緊要唔好曬，第一日完全唔好濕水，唔好化妝～因為始終都係傷口，都需要一定時間去復原～ 第一、二日我真係好乖，只用花水輕輕去印一印面嘅塵埃面油～咁我建議大家用「菩提花花水」，因為佢係比洋甘菊更有效舒緩發紅瘙癢，有鎮靜緊緻嘅功效。而因為都係傷口黎，特別係眼唇周邊，成日都覺得好痕～咁我都好驚自己會訓覺後手多將傷口拗損，所以除左花水我就用上「3M人工皮貼」～3M呢個人工皮貼絕對係無敵！佢除左可以加速傷口癒合，預防疤痕形成～最重要係痴左佢後非常止痕，只要見到人工皮變成白色就可以換喇～ 踏入第三日，開始退紅腫，咁我就開始加強返保濕，因為接受過激光嘅皮膚會比較乾～由於唔可以用滋潤嘅護膚品，所以我都嚴選適當嘅補水產品！咁我就係@cosme shop 發現好野-「AKARAN皇牌All in One Gel保濕温和無油啫喱面霜」完全做到零油保濕無負擔，保證9無添加：無香料！無色素！無防腐劑！無油！無酒精！無礦物油！無紫外線吸收劑！無矽！無界面活性劑！啱曬呢段咁敏感時期嘅皮膚去用～咁我就採用「三文治面膜大法」去進行補水修復～底層-AKARAN 啫喱面霜，中層-菩提花水面膜紙，頂層AKARAN 啫喱面霜只需要10-15分鐘就完成，補水效果超高而且無害 去到第四日，其實傷口已經好多都收晒水結蕉，甚至乎第6日已經可以輕輕化眼妝～記住始終都係傷口，所以盡量頭一個星期都唔好化妝～如外出防曬一定要做足，可以用物理性防曬乳液～護膚品唔可以用滋潤型，最好用上無油配方～醫生開嘅藥膏主要比你消炎，可以唔搽就盡量唔好用～最後飲食都要注意，盡量清淡，煎炸辛辣可免則免呀～ QUALIA Medical 讀者優惠: 使用優惠碼"inki01", 可以享有免費脫疣諮詢Website: www.qualia.com.hkFacebook page: https://www.facebook.com/Qualia-Medical-363598037376534/WeChat: click here~*~*~*~*~*~*~*~*~*~*~*~*~*~♥歡迎各品牌聯絡合作♥♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty♥ E-mail: inkitsung@yahoo.co.jp♥小紅書號：603544566~*~*~*~*~*~*~*~*~*~*~*~*~*~*
