係我屋企附近開左間勁人氣既打卡cafe!波希米亞風，仙人掌小樹林，藤製鞦韆⋯仲有1樓既小樹林長椅～2個咁靚既打卡位足以引上一大班sis黎個閏密打卡團～所以今次我都借呢個機會黎呢度食野兼影返輯靚相～點擊圖片放大 +2 經過一輪大影特影之後，我覺得1樓係好影過樓下鞦韆位既～樓下鞦韆感覺限制比較多，一黎上面大大個射燈，二黎比較窄～不過呢個位絕對係boholic 既賣點，所以點都要打一打卡～點擊圖片放大 +2 好喇，講完一大輪影相，講返食物水準先～點擊圖片放大 「温泉蛋煙鴨胸柚子汁冷蕎麥麵」呢個我覺得好好食，因為我好鐘意食呢種日式柚子醋～再配上一系列中華冷麵風既配料同鴨胸～酸酸地又幾清新，啱曬夏天食～ 「波菜野菌太陽蛋厚多士」呢個係估佢唔到咁perfect match!波菜夠嫩滑，野菌香濃，軟滑太陽蛋，鬆脆厚多士～一啖將佢地送曬入口，個種混合埋一齊既豐富層次絕對令你一食愛上～而伴碟既石榴沙律亦都好清新，可以一解多士既油膩感～ 「士多啤梨·牛油果沙冰」呢2樣都係我最鐘意既食物，居然夾埋一齊做沙冰？！當然係我既必點飲品喇！牛油果味唔濃，淡淡咁係口中滲出黎，但沙冰好有牛油果個種滑溜質感～再配上超濃果香既士多啤梨味（唔係假味）～真心好飲，仲要有個咁靚既粉紅色外表～咪就係少女風飲品排名之首lor! 「BOHOLIC(長沙灣)」長沙灣福華街561號君凱豪庭地舖及1樓~*~*~*~*~*~*~*~*~*~*~*~*~*~* ♥歡迎各品牌聯絡合作♥ ♥ Facebook page: harihari ハリハリ ♥ Instagram: inkitsung / harihari_beauty ♥ Youtube: harihari_beauty ♥ E-mail: inkitsung@yahoo.co.jp ♥小紅書號：603544566~*~*~*~*~*~*~*~*~*~*~*~*~*~*~
