在香港，平時要諗地方去已經好難，如果遇著生日咁就更加頭痕了。 所以我今日想同大家分享下我同女友既生日行程，比大家參考下。 當天我地約好左晏晝2點先出門，除左可以訓晏少少之外，(仲免得要諗埋朝早既行程...)。 2點左右，我地約左在九龍站等。為左保持神秘感，我當然唔會講我地去邊。我就一直拖住 女友一路帶到佢入圓方商場。我地係去......SKY100。 係呢度我地可以在海拔393米高的觀景位置環視景色，呢個時候我地當然係對住個美麗景色 不停影合照啦。 其實如果你有錢D，你仲可以係度食埋個TEA，因個餐廳對住出面個景，所以又可以食甜品 之餘又可以食埋個景，都OK浪漫嫁。 我地最後係度都玩左大概2個鐘。之後就去第二個地方啦~ 預算: SKY100門票(生日免費，同行者7折即131元) 登登登登~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 之後去既地方係要搭船既，你地一定會估係去長洲，但錯曬。 我地去左一個晚上幾靚，成條街都閃令令既地方。 就係愉景灣Discovery Bay了。 到晚上我地欣賞左呢個閃令令既大道之後，我地就坐定定在餐廳食飯~ 個餐廳都係可以揀室內同室外既，建議一定要揀室外，因為唔會太熱之餘仲可以睇到個海 景，食完飯之後我準備好既小驚喜就出現了。 呢個係一個流心Chocolate pudding，隻碟上面既字你可以講明寫咩，不過一定要早同餐廳 講定比時間佢地預備。除左個雪糕唔知點食之外，個pudding既流心朱古力又熱又好食。值 得推介。 預算: 主菜2人一共4百元左右，Chocolate pudding 59元 加埋差不多五百元。(當然你可以叫平D) ZAKS: 愉景灣D'Deck 地下G04及1樓103 https://www.openrice.com/zh/hongkong/r-zaks-%E6%84%89%E6%99%AF%E7%81%A3-%E8%A5%BF%E5%BC%8F-r18044 最後我地就在愉景灣酒店住左一晚。 前往方法:搭乘T4去愉景北商場下車。 預算:一晚1200元 行程:SKY100>中環瑪頭>愉景灣>ZAKS>愉景灣酒店 如果你地有其他生日好地方介紹，歡迎在下面留言分享。
