今日想介紹一個慳錢，環境又舒服，又有意義既地方比大家。 就係................誠品書店 我發現同女朋友係誠品書店一齊睇下書，可以一齊坐低涼下冷氣之外，仲可以解 決下依家生活上既煩惱，真係一個幾好既選擇。畢竟我地都唔可以掛住日日洗錢玩樂 因為我地每個人在某一段時間都一定會感覺到不開心，苦惱，疲憊,,, 這是正常的，因為我 地都唔係機械人，而係有情有肉既人。但有時想解決一D問題既時候，其他人又好似唔太 明自己。 所以我想集合一D我覺得幾唔錯既書同你地分享下。 卡耐基寫給男人 呢本書有好多個Chapter去同你探討唔同既人生問題，有事業，家庭，愛情，朋友，個人等 等。佢用左好多小小既故事去解釋比你聽一D解決問題既概念，你遇到咩問題，你就打開目 錄搵相關既主題去睇，簡直係人生百科書。呢本書有女士版，叫卡耐基寫給女人，但我當然 係無睇過女士版，比唔到意見。 平常心 呢本書既封面睇落好舒服，裡面既內容主要係用佛家既想法教你點樣解決同整理煩亂心緒， 例如點樣積極面對人生，點樣面對其他人既批評，點樣過得快樂等等。可以放心既係，佢唔 會講到離曬地。每當我遇到咩問題都會翻開呢本書充充電。佢同上一本介紹既書差唔多，不 過呢本就比較簡單直接易明，慳翻好多時間。 成功，從聚焦一件事開始 呢本書係我最鐘意既一本書。由細到大，屋企人都教我地要學好多唔同既野，就連媒體都成 日講要同時發展好多野先有競爭力，但我地會慢慢發現自己開始唔知自己想要D咩，最後樣 樣事都好似識，但唔強... 呢本書就係話翻比我地聽點解聚焦一件事會帶來你人生既巨大改 變同進步。 跟任何人都可以聊得來2 我自問從細就唔係一個好有自信既人，睇完呢本書先發現，其實好多人都會有我呢種情況。 呢本書可以話係一本淺白易明既害羞治療書。連點解我地平時出街撞到熟人要避開，點解多 人既時候會驚，點解咁易臉紅，都有解釋同自我治療既方法。 HEA富學 我都知整係講求心靈上既滿足係唔夠，另一樣我地應該重視既野係錢。唔知你地有冇諗過咩 財務自由同創業，不論有冇諗過都好，我相信我地都有責任令自己既生活變得更好，畢竟我 地都想享受人生，而唔係日日諗幾時放工。呢本書係一個香港既創業家寫既，佢用HEA黎 形容一種創富方法，令我對工作既睇法轉變左好多。 希望對大家有幫助，如果有D咩好地方去同有咩好書推介，都歡迎大家下面留言分享。
