唔知各位呢排去咗邊度拍拖呢?可能因為打風既關係，最近天氣冇咁熱了，但如果都係行街 行山遠足既話，的確有一種唔想出去既感覺..尤其係對於怕熱易出汗既朋友仔黎講。今日都 想分享翻我同女友去過既地方，等大家可以參考下。 1. IKEA 對於拍左拖無幾耐又未見家長既情侶黎講，IKEA係一個好地方比你地見面之餘，又可以抖 一抖。相信裡面都唔需要我多講，有好多示範單位比你地逐個坐，可以坐低傾下計，又可以 幻想下你地將來既屋企係點，增加下情趣。不過我女友就比較鐘意裡面D全身鏡，話會令女 仔們睇落瘦D Wo。 2. 打保齡 想做下運動又唔想太熱既話，可以試下去打保齡。有冷氣之餘又唔洗女朋友仔跑跑跳跳，重 點係，可以滿足下想一齊做運動既慾望。價錢就見人見智啦，我地上次在平日晚上既時候去 ，人頭費$120 任打1個小時，其實1個小時可以打到3-4局，已經好滿足了。 荃灣迪高保齡球場:荃灣青山公路荃灣段15-23號1/F 3. 沙田新城市廣場大草地 諗起沙田新城市廣場，個個都一定同你講去最上層既空中花園坐，但如果呢期無活動搞又唔 係節日既話，其實同普通公園仔無咩分別，所以我地今次去咗空中花園下一層既大草地坐， 建議係日落之後去坐，因為唔洗曬親，訓低望住個天空，吹下涼風都幾寫意。但最好提提女 朋友仔唔好著裙，同埋如果可以既話，帶多件衫比佢墊住坐~ http://nextplus.nextmedia.com/news/spot/20170805/536428 4. 網吧 同女朋友仔有時唔想行黎行去，又想一齊做D野，加上我同女友都有玩LOL，一齊打 機就最好不過~，所以其實網吧都係一個拍拖既好地方。當然，如果你地有PS4 或者SWITCH既話，都可以係屋企或者去葵芳既曬月光(但我地未去過~個度聽聞可以睇戲 同玩SWITCH。) 曬月光:葵涌葵涌葵豐街安福工業大廈14F室 5.宅係家 可以買外賣上去一邊睇下YOUTUBE一邊食野。睇下我們這一家OR蠟筆小新，一齊笑下 咁，都幾溫馨。有時更可以一齊煮下飯，一齊訓個晏教，唔洗次次都出街日曬雨淋。呢 個活動只適合見左家長既朋友們~或者好似我地咁等屋企冇人既時候先上去都可以吧。
