一段關係既開始，令我們由一個人變成兩個人。 相信大家同另一半開始都係因為信任，可惜信任係一段關係裡面也是最脆弱的。 如果你正懷疑你既另一半出軌或不忠，希望我今次分享既親身經驗可以幫到你。 原本我十分信任我既女朋友，正因為咁，我都唔會成日問佢去左邊，做緊咩。 直到有一日既朝早，我發現佢一直有Follow 好多IG既交友平台，甚至Like左幾個男仔。 我個時個心情即刻好失落好嬲，成日返工都冇精神，不停係度睇個幾個佢Like左既男仔。 唔知睇到呢度，大家如果有類似或相同既經驗，大家會點做? 我當時其實真係有諗過分開，但我諗翻起女朋友平時對我咁好，我真係唔想去相信佢做左呢 D野，所以我決定直接同佢傾下。見面既時候，我冇一開口就罵佢，我冇用質疑既語氣同佢 講野..我只係同佢咁樣講: 我發現你在IG既交友平台上面Like左幾個男仔，首先呢件事唔一 定係你錯，但我心裡面真係好唔舒服，好灰心，我想聽下你點講。最後，原來佢係因為發現 我成日係IG到Follow好多女仔，所以佢先會咁樣做。其實個D女仔係在我同佢一齊之前加， 只係人地依家先Accept我，所以依家先有通知。 雖然佢真係有睇過交友平台既野，但我相信佢冇去做一D更過份既事情(因為佢都同意比我 睇佢手機)，而且主因係因為我之前Follow既女仔令佢誤會左。唔知你地點睇呢件事，不論 誰對誰錯，但我覺得不論兩個人有D咩既信任問題，都應該先平心靜氣聽下對方講，相信你 會因為呢件事發現更多你地之間可以解決但未解決既問題。我有聽過好多朋友懷疑另一半既 時候，都未有證據就不斷罵，不斷罵，不斷罵，冇解決之餘，感情都有一個好大既裂口。其 實，我覺得問題既出現，好多時都唔係一個人所引起，我地需要既可能係一次適當既溝通， 諗諗大家可以點樣在呢段關係改進自己。不過,, 如果你已經另一半出軌既證據，或者發現另 一半根本冇心去同你溝通，咁既話，你可能係時候要考慮分開了。希望我呢次經驗對一D懷 疑緊另一半，同另一半冷戰緊，或將來有機會發生呢種事既人有幫助。如果有更好既解決方 法，都歡迎大家留言分享~
