相信很多讀者跟我和女朋友一樣,都有同樣既感覺: 下班後只係想安靜地跟另一半相處,但無奈地香港天氣又熱又多人,次次都快熱死,快逼死。每次諗去邊都用左好多時間,上網搵既地方不外乎行山,行山同埋行山,WOO 諗起都興奮...結果都唔知去邊好... 所以今天我想整理一下我同女朋友去過又覺得唔錯既地方,推薦比大家! 1. 迷你K房 Mini K 非常適合愛唱歌或當天心情不太好既情侶。迷你K房裡面既空間不會太大,和自己既愛人會變得更加親密,更可以聽聽雙方既歌聲或合唱幾首歌,增進感情! 雖然本身原意係比單身人士吸引異性入去唱,但因為有2支MIC,又有DATING房,所以情侶絕對可以去! 價錢只是60元半個小時,當然你可以再加鐘。價錢平過傳統K房好多,更可以自己決定唱幾耐。各大Red mr 都設有Mini K。 https://hk.finance.appledaily.com/finance/realtime/article/20170902/57156454 2. 兔子CAFE 其實只要係CAFE都適合怕熱既情侶們,可以一邊食野一邊玩下Board game,或者傾下心事又得~不過我自己同女友去過銅鑼灣既兔子CAFE,覺得比較特別,有Board game玩之餘仲有兔仔係度跑黎跑去,如果你地一樣都鐘意小動物既話,可以同佢地玩餵佢地食野,感覺都幾得意! 地址: 銅鑼灣謝斐道530號3樓 3. 太空館 你無睇錯,係太空館!你相信一定心諗:唔好玩啦,小學生先會去嫁WO。其實太空館D位好好坐,好舒服,一開始女友都覺得好奇怪,但去完之後佢就發現,真心唔錯,可以在巨大屏幕睇下動物之餘,坐位又舒服。不過建議大家睇清楚邊套戲好睇,唔係真係會變左小學生既生物課.. 4. 嘉頓山 呢個雖然係戶外活動,但佢勝在易行,大概5-10分鐘就上到去了,就連我從來唔做運動既女友都行到上去,應該難唔到你地吧?建議黃昏先好去,一黎唔會太熱,二黎可以睇日落。好多情侶都會上去影翻張相,鐘意影相既你地可以考慮下。個度蚊唔多,而且都有陣陣涼風,所以夏天如果要行山浪漫下既話,可以一試。 5. 酒店 唔好誤會,唔係去爆房,但如果真係想既,我都覺得冇咩問題。話說女友有一次話想睇一套好舊既戲,但因為屋企唔好太方便帶佢上去,更何況用手機睇又好似差D咁,所以我地就去左一間酒店到用部大電視睇電影(IPHONE既話需要一條HDMI線駁落去電視,連我呢個科技白痴都識,你地一定識),然後我地就係酒店過左一晚,之後你地會做D咩,自由發揮吧。 希望比一D成日諗唔到去邊又怕熱既情侶參考一下,如果覺得唔錯既話可以分享一下~第一次打文章,希望你地鐘意,鐘意既都可以在下面留言交流下拍拖好去處,等我地平時唔洗諗到頭都爆埋~