2016 年 2 月底終於去了一直期待的土耳其！ 買完機票後在土耳其發生的幾次爆炸襲擊曾經令我地卻步，不過機票退唔到，唯有硬住頭皮去啦！ 由於 Condor 有平機票 ，我地先飛去南部海岸城市 Antalya~~Check in 時我地發現左個搞笑現象，同我地一班機去 Antalya 好多都係耆英，大部份重要揹住一袋袋哥爾夫球棍！ 到埗 Antalya 國際機場後，未唱錢又唔知邊度搭巴士，在機場轉轉下轉左出外面，見唔到指示板諗住入返去問人，才驚覺這是個有出無入的設計！只有手持出境機票先可以進入機場的出境大堂，等接機的人都要在戶外等！呢個設計真係未見過！ 機場出市區的巴士沿途好多個站，但車上竟然無電子顯示板，只有司機以微弱聲線講出站名，我地只係遲左一個站落車真係謝天謝地！ airbnb 屋主係一對夫婦，老婆唔識講英文，但非常落力用 google translate 同我地傾計！ 舒服又有 style 的家！ 主人家隻貓貓 Zeytin（土耳其文的橄欖） （非常不友善的貓。。。） 去了屋主介紹的餐廳醫醫肚 餐廳有款好滯但又好好食的甜品 - 南瓜糕 男屋主放工後同老婆去街市買菜，順便帶我地去見識下！ 係去曬葉的Artichoken！齋賣最好食的部份！ 我地留在 Antalya 幾日，打算報 day trip 去附近古蹟參觀。點知晚上逛了幾圈都找不到適合 tour，回家時卻意外地看到很深水埗的夜景！ 最後接受屋主的 offer，由佢地做我地導遊去古城孖寶 Aspendos + Side！重包埋地中海式早餐～～ 古希臘羅馬城市 Aspendos 最出名是個保存得非常完整的半圓形劇場 停車場對正劇場背面（即係條直徑） 時間充裕的話，推介上山眺望劇場！個景好正！ 再驅車去 Side！ Side 有點不一樣，古蹟位置零散，由幾條手信街縱橫貫穿 土耳其 "名物" 軟糖 Lokum！色彩繽紛，重可以係咁試食！好甜！ 除了Lokum，還有好多種味的茶粉！ 在手信街走著走著，幾乎所有商販第一句叫賣或打招呼都係講德文先！ Side 另一吸引之處：地中海的海岸！ 海邊的 Apollo 遺址 Lunch on a boat restaurant ! 好嘆、又好曬。。 特式拼盤！有矮瓜、豆豆等等，好好味好 fresh！ 因為唔想飲啤酒同汽水，屋主古惑推介了呢款特式飲品 şalgam suyu！望落去好似幾解渴，點知！咸 ga！好難飲。。。原來係一款由紅蘿蔔等菜汁加鹽的消滯飲品。。。食完成餐飯都飲唔曬。。。 藍天大石，點影都靚！ 去埋 Side Museum 製作銅幣的原始方法 買左一個好特別的茶粉~ 後來查返係尤加利葉！一試難忘！ 返回停車處前，經過 Monumental Fountain，聽房東講好似將會改建成酒店！ 除了鄰近的古蹟，Antalya 還有很美麗海岸線，不用坐車，一邊吹著海風散步，一邊感慨點解無帶泳衣 出發前食點燒肉，再來一杯街人店裡路邊人人都在飲的方糖紅茶！ 考古博物館 （棋盤是也！） 呢個大理石棺，四面的雕塑講述了希臘神話英雄 Heracles 最有名的事蹟：12 Labours（12個好艱辛的任務） 其中一個好大的 Hall，空空洞洞，只有下面一個 marble statue 以及好多介紹佢的展板。原來呢個雕像對土耳其尤其 Antalya 意義重大。 1980 年在附近古蹟 Perge 發現一個雕像下半身，放在呢個博物館展示。一年後美國一個收藏家同 Museum of Fine Art, Boston (MFA) 唔知點樣買到一個雕像上半身。土耳其把下半身做了一個膠模型，寄去美國鑑定下呢兩舊係唔係同一個雕像。即使鑑定過真係 fit perfectly，收藏家都唔肯放手。直到佢死後，擁有權全部屬於 MFA，佢地同意把上半身歸還土耳其，呢個名為 Weary Herakles 的雕像終於在 2011 年返屋企。 找資料時，看到呢條 link，原來有 Art-Law 呢科！ https://plone.unige.ch/art-adr/cases-affaires/weary-herakles-2013-turkey-and-museum-of-fine-arts-boston 館內還展示了一些伊斯蘭書法 呢張相本身想影下個海，點知遠處重重山影更迷人 需要兜 7 7 49 個彎先可到達石灘。 慵懶貓咪 Antalya 都有懷舊叮叮 鬧市中搭一道橋讓你看小峽谷 Antalya 游客區經常看到他們：在路中心架起簡單的攤檔，一盤青口和檸檬，不怎樣叫賣。很想買一包吃吃 Antalya 的海產，但感覺太不新鮮了。 街上另一常見奇景：挨店挨戶送茶收茶杯的侍應生。香港也有很多外賣仔，但我覺得稱呼 Antalya 的紅茶跑腿為侍應生更貼切，因為即使他們送茶到離餐廳很遠的商店，仍是提著銀色托盤。看著路邊商店的店員坐在店外喝茶聊天，但喝的茶卻不是自家泡，而是別家餐廳送來的，對我來說真的很新奇！ 嘗過了土耳其雪糕，味道很普通，出名的原因是拿極都拿不到雪糕的過程吧！年紀大左，只覺得雪糕筒被買賣二人摸左好多次，一點都唔想食個筒。。。 長有奇異果般花葉的小花 入清真寺參觀前，要遮好 d 頭髮。 游客區餐廳當然多，當時可能為了慳錢，選擇了一家超地痞的小店，要坐在路邊的小木椅上用餐。 點了牛和雞的 Durum，送一份蔬菜沙律。才幾歐的餐費，卻是出乎意料的好食！ 呢個沙律超 refreshing！ 問了老闆用左咩調味料：紫蘇粉小量（ignore 後面倒胃煙灰缸） 石榴醋 橄欖油 第二晚忍唔住"覆桌"了。 還有個可去可不去的景點：Duden 瀑布公園 公園面積不算大，但瀑布景都幾靚，像個縮小了的十六湖國家公園 唔知邊條契弟掉左個發泡膠盒落水，有心人用樹枝撩返上佢上黎 來土耳其之前，不怎樣認識 Antalya，經過這幾日的旅程，明白點解咁多德國人中意黎渡假啦！真係好 relaxing！LOVE Antalya！
