Bayern Ticket 係咩? 官方網站:Fahren Sie 1 Tag durch ganz Bayern. Für 25 Euro + 6 Euro je Mitfahrer! 即係張飛 25 歐起,每多一個人就加多 6 歐,可以在一日內在 Bayern 州內周圍玩!(最多 5 個人~~) 呢張飛真係好抵,即使只係兩個人,已經平過同舒服過搭巴士! Bayern 州有不少適合 day trip 觀光的城市又多山行,所以我地來德國後使用頻率非常高!對想在慕尼黑附近自遊行的人都好有用! 咁抵,唔多唔少都有 d 限制 ga,就係唔準搭某 d 快火車,平日由早上 9 點先可以用,不過周末同假日就幾點車都可以搭! 今次我地就用 Bayern Ticket 一日去 2 個城市 hea 遊聖誕市集! Augsburg 是個位於慕尼黑西北邊的 Bayern 州城市,而 Ulm 則是個在 Augsburg 西邊的Baden-Württemberg 州城市,難得可以用 Bayern Ticket 搭火車到出左州的 Ulm!回想初來德國第 2 個星期,我們曾經要在 Ulm 轉車,果時買左平少少少的巴士飛,點知個車站叫 Neu Ulm(新站),落車後 google 重叫我地沿高速公路行去火車站。。。拖 gip 又背住大背囊。。。最後都係要買多兩張單程車飛到火車站。。 星期日的 Augsburg,同其他的Bayern州城市一樣,所有商店關門。廣場靜過鬼。。 行去老城區途中,見到好多鋪頭的櫥窗放了格林童話的場景,配上好多雪和雪樹。乜格林童話同聖誕節有關 ga? 首先見到糖果屋(Hänsel und Gretel) 博物館前有。。。 長髮姑娘(Rapunzel) 一早來到聖誕市集,部分攤檔還在開檔中~ 疏疏落落未見人潮 所以我地先周圍行下,去到聖母主教座堂(Hohe Domkirche Unserer Lieben Frau zu Augsburg) 門口地板是一幅只有兩色的馬賽克,好卡通! 不太配合整體感覺的門把。。。 教堂前有一片大空地,直直橫橫好多條牆腳、地基似的東西,是教堂以前的其他建築部分。 返去聖誕市集醫醫肚。聖誕市集來來去去都係腸、包、薯類食品、蘋果、熱紅酒 Glühwein。雖然悶d,不過咁凍都係要食返D野!特別介紹,木桌上的小盤是薯仔+麵粉撈埋整成的"德國銀針粉"!配酸菜!我中意~ 食飽再去參觀市政廳(右) 又有一個場景,不過影唔到名,發生咩事?桌上有搽左醬的麵包和小強?! 市政廳入面的金廳,好閃呀,唔知係咪都係真金? 其實眼前見到的金廳不是原本的金廳,以前打仗炸爛後,曾一度修建個木天花頂住先,不過在 1985 年 Augsburg 建城 2000 年呢個咁重要的日子,市政府就決定要重現以前的金碧輝煌! 再黎:穿靴子的貓(Der gestiefelte Kater),不過隻貓呢? 集埋最後一個郵!呢個唔使名啦~ 呢D童話場景真係好得意,好想集曬全部郵,不過時間有限,要趕車出發去 Ulm 啦!! 來到 Ulm 地標大教堂前的 Xmas Market 聖誕市集愈看愈一式一樣,還是參觀教堂吧!原來 2015 年是這大教堂鐘樓建成 125 周年!所以 Lego 整左個模型賀一賀佢,好精緻 唔講你可能唔知,Ulm 大教堂原來係世界最高 ga 教堂,所以我地當然要上去啦! 一邊向上爬,一邊從新角度欣賞 Xmas market,右下角的 Grillmeister 烤肉達人好搶眼!呢張 poster 十成係 target 果 d 行完高塔想獎勵自己/吹完風飢腸轆轆的遊客! 中段一個平台有 2 個井,應該係以前用黎吊上吊落運野。 牆上還展示了一系列舊照片,係世界各地著名教堂!影低了拜訪過或者覺得好特別的幾間~ 好多教堂牆身都有好多呢類型俯衝緊的人物/怪獸雕像,其實好似係疏導雨水的排水口。 繼續闖高峰! 螺旋型樓梯,加上猛烈強風,真係好矛盾,好想快 d 行完落返黎同時又行唔得快。。。 塔頂上,眺望 Ulm 走返落地面時冷不防看到這個被化妝的古人。。。 呢個周末,教堂搞左個 workshop,俾大家睇下維修復原工程係點進行。 最搞笑係見到張科隆祝賀 Ulm 的 poster,除左祝賀 Ulm 教堂 125 周年,重有恭喜佢以 4 米壓到科隆大教堂榮獲最高教堂美譽!!XD 無人阻止小朋友同建築廢料玩遊戲。。 同你單眼的塔塔 沿住城牆行下 向前傾的小屋 宜家係一間酒店 今次在ULM 的 Xmas Market 終於見到 d 與別不 ga 野啦:Märchenjurte(港譯:童話蒙古包)! 時間剛剛好,入去裝下先: 蒙古包內只有暗暗的燈光,成地鋪滿 (ikea) cushion 同被,有幾張 sofa,有一家大細,亦有幾 pair 甜蜜的戀人在 cushion 堆中深情對望,重有一個拿著結他的主持人。開場時,佢唱首抒情民歌等大家放鬆d,然後,就開始講故事啦!小朋友都聽得好入神,我地聽唔明,只好閉目養神。完場前再自彈自唱一番,好似做左一個鐘精神上的 spa~~~ 德國大小型活動常見甜品,食過幾次後,我覺得細件水果(士多啤梨、蕉粒)好食過成個蘋果啤梨~ 最後,在上火車返慕尼黑前,幫趁了 Grillmeister。。。 用 Bayern Ticket 一日遊真係好抵玩!