熊本城入口 熊本城係日本三大名城之一，但除左記得係由加藤清正建造同後來換過幾手之外，其他歷史都忘記得七七八八。不過有樣野我記得好清楚，就係阿妹入左城之後突然同我講：『我認得呢到呀！之前打戰國無雙成日都係到蕩失路！』似乎打機真係有助學習。 不開門 兜兜轉轉，終於去到天守閣。 依家睇相睇番天守閣，一方面覺得好幸運，但同時亦覺得好可惜。因為 2016年4月16日熊本發生左一場7級大地震，熊本城亦都受到破壞，其中包括天守閣同上面既不開門，可喜既係仲可以修復，不過可能未來20年都無法完工。 天守閣內部係熊本城有關既展覽 唔知由幾時開始，就好留意日本古代建築上的家紋。天守閣屋頂瓦片的花花圖案其實係加藤清正的家紋－桔梗。通常D人都係得一款家紋，唔知點解佢有 2 個，另一個係蛇目－－即係 Donut 咁樣.... 依。。。呢位哥仔咁熟口面既？ 本殿 呢張大榻榻米有咩咁特別呢？ 原來係圍棋名人戰既地點呀！唔知佐為有無泥過呢？ 最後當然要影相留念啦～～ 團友們大合照！ 城邊搵到一堆小食攤，但感覺一般。 用熊本城做背景既舞台劇！聽唔明都覺得好有feel呀！ 行行下比燈光吸引左，去左城彩苑，但入邊主要都係賣手信或者零食，依然無啖（正餐）好食！ 係繼續覓食既途中，我地發現左一個秘密： 就係朝早大家研究既裝飾係咩一回事啦！ 原來係晚上慶典的點點燭光 靚係靚，不過都醫唔到肚。不過眼前出現左另一d野，似乎可以解決部分既問題 話說泥九州就一定要食"一蘭拉麵"（好似係）！今晚就一蘭啦！ 買完飛，搵位，再填張紙仔選麵質、辣度、配菜點擊圖片放大 醫好個肚就咩遺憾都無啦！係咪真嫁？咁太飽食唔落其他野算唔算另一種遺憾？？ 因為食完出黎，銀杏祭！？成街都係香噴噴 ga 食攤！ P.S: 之前見到帶關熊本城既介紹，非常有趣！ 熊本城のうた ‐ エグスプロージョン https://www.youtube.com/watch?v=AR7XHJcSAbA P.S 2: 熊本城另一名稱為銀杏城，由於當加藤清正建造此城時，已經考慮到萬一發生圍城戰時，城內需要有食物供應，因此便廣植銀杏甚至連城內鋪床的材質，都是利用里芋的莖曬乾做成的，可以作為圍城戰時的戰備存糧。 (取自於維基百科)
