下一站：熊本！ 由長崎去熊本，如果經陸路要先北上返回福岡再南下，因為中間隔住一個海 － 有明海。 既然咁轉折，我地就渡海啦！新奇又節省時間！ 要渡海，先要去島原市，去到後就發現島原都有好多地方玩！唯有下次啦。。。 由於太驚走左班船，我地早早就到左碼頭。咁多時間有咩好做？就係買同食啦！！碼頭有好多長崎、九州特產，買左長崎蛋糕同麵條，又食左雪糕～ 懷舊找錢機器！ 還有空檔，兩位車手影返張合照先～ 點解會以新奇黎形容搭船渡有明海呢？因為我地係揸住車咁上船架！在大遊船底部泊好架車，就落車去船艙搵位坐 船艙好寬敞～～～ （等緊印仔乾。。） 再見長崎同島原～～ （超大風））））））） 一個小時左右就跨越左有明海啦～～～ 邁向熊本市既同時，發現我地再次錯過左一個好想去既景點：就係宮本武藏晚年既居所，亦係佢寫成《五輪書》既地方－ 靈岩洞。又要等下次。。下次。。。 終於到達熊本市！迎接我地既就係『步行者天國』！XD （原來即係行人專區。。） 喂喂喂，點解咁既樣既？哦，因為太餓呢？ 整返個熊本鄉土料理啦咁！ 大滿足！數（食）之不盡的小碟大部分都好合我地口味，有好多款唔同ga野菜、豆製品、糕點，連粒白果都好食 D！ 同埋，馬肉！ 馬肉刺身，望落去有點似拖羅，都係紅色，不過一夾起，見到下面墊底的洋蔥絲都染到紅曬，血淋淋。不過食落又唔算重口味，比起鯨魚刺身易入口。淨食無乜特別，但配埋白飯同納豆又幾好食！ （無錯，自從在長崎酒店自助早餐食過納豆撈熱辣辣的白飯，就愛上了！不過好似成團人得我一個愛上了。） 大人一圍 細路一圍 XD 充完電後，散步行去熊本城，黎到河邊大家突然《那些年》。究竟攪咩呢？ 原來係研究緊河上既裝置，但最後都係無結果。（下回分曉） 誤打誤撞，先去一轉槄荷神社 行完一輪，就去今日既主菜啦 － 熊本城！
