長崎短遊，似乎真係太短啦。朝早去左平和公園，中下晝去左軍艦島，下一個目的地，係我地都期待左好耐既地點：龜山社中記念館。龜山社中係幕末時期坂本龍馬在長崎搞 ga trading 公司，抱住朝聖心情黎睇下其中一個對坂本龍馬好重要的地方。 不過天意弄人，我地揸住部 7 人車係狹窄既山路左穿右插左一段時間都搵唔到確實地點，（重撞左一下牆 tim... XD），搵到時已經閉館！唯有去附近既風頭公園吹吹風，以解鬱悶。 錯過了的龜山社中 風頭公園～～ 風頭公園都有一樣吸引我地既景點。 唔係呢個景，而係望住呢個景既人 非常有型！！ 我地對坂本龍馬既興趣，完全係來自司馬遼太郎既《龍馬行》。雖然書中加入左唔少作者對歷史既想像，但作為一本開啟日本幕末歷史知識既書實在難能可貴。透過呢本書，令我地認識到龍馬呢名改變日本歷史既人物！而長崎正正就係龍馬其中一個最活躍既地點，作為FANS既我地當然要泥膜拜一下！ 坂本龍馬兩手在胸前交叉，看著長崎港對陸奧陽之助（陸奧宗光）說：「長崎是我的希望呀！」 除左龍馬像之外，仲有一座好特別既紙鳶資料館。 兜吓兜吓，又開始肚餓！番去市中心搵食先！ 岩崎？同岩崎彌太郎有咩關係呢？ 又碰上唔知咩節日 晚餐食咩好呢？呢個係日常既煩惱，不過係日本並唔會存在！ 今晚就食燒肉啦！ 飲杯～～～～～ 一齊食好西～～～ 晚上九點幾，但我地既行程仲未完！ 因為有一個景點係夜晚先可以去。 就係去欣賞世界三大夜景之一既長崎夜景啦！ （順帶一提，係最新既選舉中長崎已經被北海道函館取代左啦。。。但香港依舊在列！） （即係我地又多個理由去北海道！心心眼） 好靚既觀景台！！ 呢個就係我地係長崎最後一晚既景色啦～～～ 陪伴我地睇夜景 ga 兩行鼻涕提提大家：即使只係 10 月，稻左山山頂真係好冷好大風！著多件衫先好上山呀！ 吹完風，拿拿淋返酒店，一齊浸下大浴場驅驅寒氣！ 浸完重影左一輯美顏貼紙相！XD
