終於出發前往 Croatia 十日遊最後一個城市了！ 好難讀的 Dubrovnik！ 好不容易 6am 出門撲到由 Hvar 返 Split 的船飛，再由 Split 搭巴士繼續南下去 Dubrovnik。3 小時車程中的一小段會離開 Croatia，入一入 Bosnia，再入返 Croatia。 在 Bosnia 唯一的港口城市 Neum 落車伸伸腳。 不過呢度唔用 EURO 又唔用克幣 kuna，只收美金，想買杯雪糕都唔得。。。 （搭巴士時與 Mavis 研究南斯拉夫分裂過程，到現在看到 Google Map 呈現出咁特別的國界，係唔係當時 Croatia 放人一條生路俾返個港口人地呢？！） 訂 Hostel 時有一番掙扎，應該 book 近巴士總站定老城區呢？最後選了巴士總站附近較平的 hostel，所以要付出返 D 時間同腳骨力徒步去老城區！ 精神奕奕出發去老城區！ 行了幾乎一小時，夜幕低垂，終於到達老城區！ 好新奇的鋪頭入口連櫥窗！ 老城區的地板和牆壁都好似打過蠟咁，立立令～～ 估下呢個鐘點睇！？ 令我想起成龍。。。？ 老城內的地型好引人入勝！ Dubrovnik 舊地圖 好有戲劇感的城牆夜景！ 初到埗時，見到成街都 sell 緊 Game of Thrones tour，後來才知道呢度係君臨城的拍攝場景！ 不過當時我和 Mavis 都無睇過 GoT，所以無 join tour，連經典城牆都無上去，好慳 XDDDD 沿著海邊行返 Hostel，即使不是老城區，景色也很美！ 第二朝要食個豐富早餐，因為我們會根據 hostel 房東的建議，登山睇 Dubrovnik 全景！ 房東話沿途都可以 on foot，點知 information 姐姐話條所謂 ga 路係公路，所以最近我地都係等巴士吧啦。 令人好無安全感的巴士站 >.< 總算上了車，感覺上其他的乘客都係住山頂但落左山買野／返學的居民。 好彩無行路上去，因為公路上不單止車多路窄，更是九曲十三彎！大概 15 分鐘車程後就到了山頂。 下車後漫步走向 Fort Imperial，遊人好稀疏 景觀開揚，俯瞰呢個城市時，不禁在想，老城區果 part 係咪填海填出黎架呢？！ 個位太靚，連帶個人點影都好靚 XD 路上無乜遊客，不過遇到幾個由山頂高速衝落山的健兒！ 和一群慢慢行落山的馬仔～～ 行上D，再近D！ 見到好得意的星形花花！！！！ 爬出少少影無敵靚景！ 行到 Fort Imperial，終於知道點解頭先條路無乜人，原來市中心有架纜車可以搭上山！景點的觀景台好多人，不過山路沿途的風景比觀景台震撼得多！！ 沒有久留，再找到另一條路下山。係咁“向左行，向右行” x 20 次，每個轉角位都有一個銅碑，描述耶穌生平。 在 google map 搵返條路出黎 XD 轉到頭都暈終於連接返大馬路返市區 在巴士站見返頭先架“巴士”，而且係同一個司機，佢重俾左個叻叻手勢我地！ 尋晚感受黑夜中的舊城區，宜家再睇下日頭係點先！ 行到身水身汗，好彩有雪糕 :) EXTRA。BLACK！ 停泊遊艇的小海港 有一堆懶洋洋的貓咪 好似好真咁 XD 旅程接近尾聲，豪返次啦！ 食返餐好 ga －－海鮮拼盤！ 個拼盤好豐富，有好多種海鮮，隱約記得味道都唔錯，最深刻係我地添左幾籃包！ 食完呢餐，我同 Mavis 就踏上不同的旅程了！她繼續浪遊 Balkan peninsula，我就坐通宵巴士由 Croatia 最南端上返首都 Zagreb，再轉舒適的 DB IC bus 返慕尼黑。全程共 14 個鐘，諗返起都怕怕，慕尼黑人去 Croatia 旅行，真係又愛又恨呀！
