一早起身搭船去！ 去 Split 對出的眾多小島之一： Hvar Split 對出有 4～5 個島，我地無乜做功課，hostel reception 話 Hvar 主要係俾人去蒲，雖然我地對蒲無乜興趣，不過好似咁多人都去，就去呢個啦 ！ （後來聽另一個去完 Croatia 的朋友講返，再遠D 的 Vis 小島重靚！） 首先去 Hostel Check In，呢間 hostel 都算經典，reception 入口在上石級後的左邊，填完曬野，叔叔就帶我地落返石級，原來我地間房就在石級旁！ 重點係無鎖匙！叔叔俾張密碼紙我地，有密碼就可以入房！係咪好先進呢。。。諗返都覺得危險，之前住過的人記得密碼都可以隨時入黎，街坊知道密碼都可以隨時入黎。。。 12 人 dorm，好彩唔滿，加埋我地 6 個女仔 攞張地圖就周圍行 lu~ 無無聊聊，好彩天氣好好！ 來到一個當地詩人的故居 無乜感想好寫。。。 再行下橫街窄巷 沿著海邊行，感受下熱浪中的度假氣氛！ 奇奇怪怪的花 望住咁靚的海，咁豪的度假設施，真係有D後悔無帶泳衣黎曬下太陽浸下水！ 呢幅相左邊一列好似小碼頭的係咩黎架呢？其實係一個個私家曬太陽＋落海位！重有一張有帳篷的大床！可以幾個鐘咁租，印象中幾個人 share 都唔算貴。本來抱住 Hvar 黎過就算 lu，唔會再黎 lu 的心態，直至見到呢個海岸，呢個私人角落，真係好想約埋班 fd 黎 hea 下！！ Croatia 好多薰衣草，不過太多唔同種類的 product，反而唔知買咩好 去 reception 介紹的餐廳食下青口～ 食飽登山，看看 Hvar 對出的小島 在 Hostel reception 樓上的天台煮左餐簡單 Dinner，7點幾，曬住夕陽嘆通粉！ 今餐的材料 晚餐後再沿著左邊的海岸線散步，搵個位睇日落 太陽一落山就立即變涼，係咁意睇下 Hvar 夜景就返歸 lu！ 晚上小插曲： Hvar 應該真係蒲島，當我地沖完涼準備訓教，D 鬼妹 roommate 就沖完涼開始 set 頭化妝，搞左個幾鐘終於出去，有教好訓。點知 3 點幾蒲完返黎，可能醉醉地掛，完全 ignore 其他人訓緊教，開大電話個喇叭重溫頭先去蒲D片，重要一 loop 再 loop，睇成十幾廿次，激到 Mavis 忍唔住發火叫佢唔好再嘈！ 相比起 Mavis，我都係比較懦弱，應該只會默默希望自己快D再訓返著。。。明明理直氣壯，都係唔敢出聲。。。鵪鶉 Y。。。
