一早醒來，竟然沒有賴床的想法，匆匆梳洗過，暫時掉低熟睡 Mavis，一個人悄悄再次溜到阿媽的海海邊。 這個海岸，估計每天早上 9 點多到晚上 8 點都擠滿遊人及想 hea 下的老中青年。早上 8 點，只有不到 10 個釣魚郎、晨運客。在一大片藍天下，聽著不算洶湧的海浪拍岸奏成的音樂，那一刻的感動震撼無法形容，被大自然洗滌心靈的感覺事隔半年仍然難忘。 前天入夜後首次來到這岸邊，昨天夕陽西下前再訪，但我最愛清晨的 Sea Organ x Sun Salutation 岸邊！ 前兩次來到 Sun Salutation 都好多人，只知道近岸邊有一塊好大好大的圓形 solar panel。今早來到，才能認真細看呢個裝置。原來除了最大的 solar panel，佢屁股後面還跟著好多個大小不一的圓形，代表著九大行星。 太陽的邊邊上則刻了一些 Croatia 聖人的名字，以及一堆唔知點解的數字 :P 這裡，其實幾適合搞清晨瑜珈班，來一個真正的 Sun Salutation！ 上網搵資料期間，其中一個 website 有張好 amazing 的鳥瞰圖，忍唔住借圖開心 share 下！ Zadar 真係好靚！不過再靚我地都要 move on～～下次要帶埋刁CC再黎！ Byebye 阿媽的海！ 繼續南下，來到另一個海岸城市 Split！ 好度假城市 feel！ 回想在 Split 的這一天，忍唔住吞口水！ 我地好好彩，在呢度食左好多美食！！ 美食記錄 001 ： Hostel 附近的雪糕店 在 Croatia 見到好多雪糕店，在慕尼黑更係幾步一間，但暫時還未遇上一間比 LUKA Ice Cream 令我印象如此深刻！ 經過時隨便看一看，點知見到我最愛的水果－無花果－低調地安坐雪糕櫃內！ 雖然雪糕櫃內還有好多新鮮水果，不過無花果控完全不用選擇，信心堅定，知道呢個味一定唔會令我失望的！食一啖，果然無錯～（Mavis 選了薰衣草味，都係出乎意料之外好味！） 當晚玩完一輪回到 Hostel，再次盪到 LUKA，心思思想食 Mavis 中午食的薰衣草 點知，啲味換曬！！！！ 崩潰一問，原來 LUKA 每隻味都係店內即做即賣，啲水果用曬就換其他水果，好隨意～佢都答唔到聽朝有無薰衣草同無花果。。。 晚上還有一些 crossover cocktail 的特別味道，但我地都麻麻地酒精，最後我選了雪梨味，Mavis 好似選了哈蜜瓜味 （點解會記得。。。。哈哈）好食，不過還是比不上中午兩球的震撼！ P.S. 打後日子都沒有在任何一間雪糕店見過無花果味同薰衣草味，慶幸我地曾經遇上。 P.S.S 迷上LUKA， add 埋 facebook keep in touch，要繼續好好做下去呀，在下次我再來 Split 之前唔好執笠呀！ 美食記錄 002 ： Buffet Fife 唔知邊個介紹的，我地叫左兩條 sea brass（好似係）同墨魚汁飯，都好好食！ 似唔似 "魚＆魚卵" 呢～～XD 墨汁飯好鮮味，唔會太咸。而條魚呢，我淨係記得有好多骨，Mavis 食得好快，佢食曬條魚同碟飯我仍然食緊條魚的右半身。。。 坐在我地旁邊的一對情人食食下問我地介唔介意佢地呼吸，傾多兩句，原來佢地係來自 Stuggart！經常來 Croatia 渡假，個女重係在慕尼黑讀書 :P 見到德國人，循例都要講返幾句 Ich spreche ein bisschen Deutsch......wakakaka 美食記錄 003 ： 街頭美食 Fritule！（克式雞蛋仔＋沙翁？！） 初初都唔知哥哥仔整緊咩 不過食完飯又想整返個甜品 咪試下囉～點知！好好食！雖然係油炸而成，但入口唔油膩；咬開之後的口感有點像雞蛋仔入面軟綿綿的～～外面淋上士多啤梨醬同糖霜，還可以選朱古力醬，不過外面係咩醬都唔重要，因為粒 Fritule 已經夠好食了！ 搶食～！ P.S. 食過返尋味，可惜之後兩日因行程安排關係，只有早上有時間再行去呢頭，但車仔檔 5pm 先開。。。由食過返尋味變成往事只能回味 >.< 美食記錄 004 ： Croatia 仔仔！ 話說，食完晚餐散下步，見到有D傳統歌舞表演，睇左一陣覺得好精彩，就坐左o係地下慢慢睇。 睇睇下有幾個仔仔（下圖，大概7,8 歲）在我地面前 fing 黎 fing 去 之後重三番四次伸手邀請我地兩位阿嬋出去跳舞！！可惜我地名花有主，再者實在太多對眼望住了，好尷尬，同埋唔想搶左台上表演者風頭，我地只好三番四次笑住拒絕佢地 XD 講返個 show，服裝好鮮豔好多款式，後面又有好多唔同的樂器彈奏 尤其呢 3 個摩打腳男仔跳得好落力，出曬汗！ 囡囡頂酒樽跳舞都好勁！ 在 Split 除左食，還有好多野睇！ 一直都諗唔明的紋身 poster！ Split 成個舊城區都係文化遺產 景點外（內？）的酒吧 城內有個圓柱型的城牆，剛好碰上一個樂團在入面表演，利用建築物的特色擴大歌聲！ 買返隻 CD 支持下先！ 好有魔法感的雕像！好鬼生動！ 個個都摸佢隻腳趾公，我地又摸～ 登上教堂高塔欣賞 Split 全景 耀眼海灣！ 路過一個藝術展覽，不過無仔細睇 入夜後，Split 仍然燈火頂盛 第一次見到遊艇的加油站！ 沿海的石路上，鑲嵌了好多奧運小鐵板，紀錄了在不同奧運會中的勇奪獎牌的克人！
