住進海邊城市 Zadar 的 hostel，懶洋洋咁食返個早餐先 尋晚在超市見到呢個黃色水果，唔知係咩，膽粗粗買返黎試下。 切開之後都唔知點入手，問下 hostel 個 reception，諗住當地人應該識食當地水果，點知佢都話唔知呢個係咩。。。 水果內部是無數粒綠色囊，每粒囊都包住粒核，有點似石榴入面有好多粒會爆汁的紅色野，不過石榴的粒粒爆開後係好 juicy，呢粒綠色野入面的汁液係滑散散，想吐粒核出黎？基本上等於成粒囊連汁吐曬出黎，一係就要用手指甲搣核。。食左幾啖，核都唔吐直接一匙匙硬食硬吞，印象中味道似青瓜，唔酸唔甜，食到最後有D反胃。。。 後來 wiki 返，原來佢叫刺角瓜，其中一個 English name 叫 African horned cucumber，有角的青瓜 XDDDDDDD wiki 小貼屎，加少少鹽或糖食會好食D！重話有人會連皮食，好有營養 wor ！！我都係食返香蕉蘋果橙啦！！ 沿著海邊散步，見到有個B 同個老人雕像爭大貝殼！原來呢個雕像係紀念 Croatia 軟體生物學家 Spiridon Brusina 城市入口不遠處，有 5 個井，係威尼斯人在 Zadar 所建的。下，又關威尼斯人事？原來 Zadar 在十五世紀係被威尼斯共和國統治過！ 睇返尋晚影城門的相，上面又真係有威尼斯隻有翼獅子！ 登上高塔，看看 Zadar 全景 玻璃下，係古羅馬時期的遺跡 著住姊妹裝好可愛的兩姊妹 在 Croatia 經常見到的街邊小食，除了雪糕，就係烤粟米 不過梗係幫襯哥哥仔啦！ 烤粟米上灑少少鹽吊下味，原來更能特顯粟米的甜味！ 繼續食！ 得個靚字的軟糖ssss 臨街酒吧 Zadar 最中心的地區，建築物附近的空地上陳列著一塊塊歷史悠久的石頭，像曬咸魚般的展示古跡，石頭任人摸任人爬，是對重要文物的保護不夠？還是讓文物融入大眾的日常生活一部分？ 尋晚欣賞過 disco feel 的 Sun Salutation，現在再看看下午係點 附近有間餐廳，以好特別的方式顯示邊個訂左位！ 今日最後一個行程，就係坐在岸邊，望住海，聽住 Zadar 獨一無二、由 Sea Organ 奏出的海浪聲，等日落～ Zadar 對出的海叫 Adriatic Sea，不過我地懶得了解個發音亦懶得讀，竟然一直都求其叫呢個 A 開頭的海做"阿媽的海"！ 咁 Sea Organ 又係咩呢？下圖看到岸邊一排排小洞，是連著海邊石頭上的洞，海浪拍打海邊石頭時，就好似吹緊呢D洞洞，奏出時而低沈時而嘈雜的音樂。 聽住 Sea Organ 的感覺好奇妙，好似大海有野講咁，大自然以另一形式展現在你面前。呢個係 Croatia 內我最中意的地方，但聽聞呢個裝置落成後，日聽晚聽的居民聽到人都癲，附近房屋價格大跌！ 呢塊牌通窿，其實都係其中一個發聲位！而且重係其中一個最響亮的發聲位！ 小朋友們都對呢D發聲洞洞好好奇！ 好多人一齊睇日落～ 阿伯話：好燦眼～～～！ 又一簡便晚餐！又一日 lu~~~
