其中一張 Croatia 之旅的代表照片 XD 慳家，又要輕便，同時兼顧到行一段未知長度的山路所需的能量及水份！ 唔使驚，呢個分量係 2 人 share ga~~~ 今日繼續探索十六湖外圍的天地 清到呢～ 沿途好多樹上都長了一片片好似化石咁硬的菇狀物體，樣衰得黎又好吸引人去睇，好想摸下又唔知有無菌有無毒 其實都唔知自己行緊去邊 初段精神飽滿 雖然影唔到，其實滿地都係蜘蛛絲，在植物之間縱橫交錯地連繫著，搞到著短褲的 Mavis 成日有野撩住隻腳！ 一直跟住紅白標記走 儘管如此，都係迷路了。 行了 2、3 小時，沿途見到的人一隻手都數得曬。後黎盪到一片遼闊草原，竟然見到一間屋，重有 2 個人打羽毛球！？我地都順便抖抖。。。 可能平日都唔會有太多人行到佢間屋附近，所以佢好好人咁過黎問下我地有無野要幫手，再點條明路俾我地行。點知傾傾下，佢話佢呢間屋附近係一個不為（太多）人知的勁揪（同埋佢好 proud of 的）景點！重好熱情咁邀請我地跟佢去睇下！ 經過佢屋企時，我只有一個想法，好想入去借廁所～！！！！！ 請留意石屎路上的紅線，以及樹上的紅標記，原來係代表紅線前的 area 都係呢位先生擁有架！ 眼前出現一座好大的廢置建築 － Vila Izvor 好頹廢呀，周圍都係爛曬的玻璃碎、爛地板、爆曬出黎 ga 鋼筋 連上樓梯都要小心翼翼 有好多間房。。 唔講都唔知，原來呢間房以前係私家電影院，牆上最高的兩個方洞就係放 projector。 其實呢間咁大的 Villa 曾經屬於前南斯拉夫總統鐵托 Tito，不過鐵托死左之後就荒廢，到 91 年南斯拉夫大戰爆發，更加有好多吉卜賽人黎到搶掠同狠狠咁破壞一番！（聽講以前呢度重有好多 Picasso 的作品！） um...真係破壞得好徹底 直到宜家，呢度仍然係無枉管架，盡地主之誼先生話曾經都有風聲話有集團想買左呢度做酒店 wor，當然十劃未知有幾多撇啦，不過佢都講得 arm，可能下次我地再有機會踏足呢頭，呢度已經唔係一個可以自出自入的地方了。 最後再一齊走入別墅旁邊一條未完成的秘密通道！ 熱情男意猶未盡，再邀請我地參觀佢屋外的花園。 其中一間儲物室條橫樑上有好多燕子巢，而佢地為左方便燕子，更在大門上開了個小洞，方便燕子飛出飛入！ 突然下起毛毛雨，只好繼續趕路，最後都係借唔到人地個廁所 >.< 忍～～～～～ 入返十六湖園區時天氣再次變返好，我地都安心了，唔使再估D路牌要點我地去邊！ 在十六湖出口公路旁上巴士繼續南下！ 進入 Zadar ! 晚上食左 Pizza 同 牛肉腸包 食飽飽後散步去海邊一個景點：Sun Salutation 晚上的 Sun Salutation 五顏六色，原來呢個地板係 solar panel，日間吸收左太陽能，晚上就變到好似 Disco 地板咁！不過現場沒有 Disco 音樂，只有好多小朋友嬉戲的笑聲，同埋另一景點 Sea Organ 的低鳴。 回想起來，我還是比較喜歡早上的 Zadar！
