十六湖國家公園聽講係 Croatia 最出名的景點之一，我地預留左兩日時間在呢區，第一日首先行下個國家公園先。 住得在 Korencia Hostel 的人十之八九都係去十六湖，我地 book 左 group taxi，晨早就出發了！ 落車後首先走過一條長長的橋 園內的地圖有教遊客可以按咩路線參觀，除左行路，重有得坐船船同搭車車 趁未開船周圍影下相 公園內大大小小的湖和瀑布無邊一個特別給我好深刻的印象，但由湖、瀑布同樹木構成的優美又原始畫面，卻令我地流連忘返，種種不同深淺的藍綠色點睇都唔會悶。 我地見到比較長的瀑布水量都好少，聽聞夏天黎好似會澎湃好多。欣賞住溫柔寧靜的瀑布先啦 XD 值得一讚是園內步行徑、休憩區等設施不單只 visitor friendly，行耐左都唔會覺得累，好適合一家大細連 bb車參觀，而且設施同自然景色融為一體，有美感同時沒有違和感，亦非常乾淨。 水面下另一個世界！ 睇返D相，好似黎黎去去都係一D藍綠啡的背景，不過呢D顏色在現場看其實真係好賞心悅目，治癒系的藍綠色，令人不停有想自拍的衝動！ 找到張木桌，坐下抖抖兼食下野，點知撞上 shuttle bus 到站。。。近到呢～D塵大到呢。。。 晚上，用昨日用剩的食材，整返一餐一模一樣的晚餐 :P 再出去散個步，寄下 postcard，用擠出來的些少時間欣賞一下超級景點旁的小鎮 Korencia。
