由於時間關係，我地係長崎活動既時間就只有一日，所以行程特別豐富（緊迫）！ 第一站：平和公園 呢個巨型青銅雕塑右手指天，象徵原子彈對人類的威脅，左手放平，代表對和平的祈願 眾所周知，長崎就係人類歷史上投出既兩顆原子彈其中一個目標。而呢個公園，就係座落於事發地點。簡單介紹的話，呢個公園有好多雕塑用作憑弔或記念，當然少不了歷史資料館。而其中最特別既係，由於當時原爆後有好多幸存者受幅射影響變得極度乾渴，而同時爆炸蒸發左好多飲用水源，因此變成全城嚴重缺水。為左彌補同安撫亡靈，公園內都設有好多流水裝置。 「我們送水來了！」 公園內好多地方都掛左一大串一大串的彩色紙鶴 一群學生在了解歷史。此時此刻令我想起係柏林Wannsee見到一班德國學生學習有關萬湖會議(Wannsee Conference)既情境。他們都是認真面對真實歷史，無論好壞。 幼稚園學生也來認識一下 當時遺留下來既地面情況 原爆點 來自其他城市的植樹記念，以生命悼念生命 長崎原爆資料館，可惜我地無足夠時間細看 館頂 底下其實是死難者的名冊，每一個可以記錄到的名字都可以係到搵到。 後記： 出發前都有諗過家庭旅行去一個咁沈重既地方會唔會破壞左成個氣氛，但最後都決定要到訪一下。私心係其一，但同時覺得去旅行其中一樣最重要既事，就係體驗異地風情，認識自身以外既世界，如果咁睇，呢到先係最需要到訪既地方。
