九月初，正值 Y 無得返工讀書、暫時拿著 travel visa 擔當雙失角色、無聊到捽腳趾的空閒時光，刁生又忙於返工，呢個時候，Mavis 歐遊的路線剛好遊走到瑞士附近，說時遲那時快就過埋黎慕尼黑作客！ 心血來潮，由遊下慕尼黑周邊，變左不如近近地一齊南下 Croatia 囉！ 中午前生起的念頭，問准刁生後，下午 book 巴士執背囊，晚上就去 ZOB 上車！對我黎講真係好刺激！ 在 Mavis 指點下，一個輕便背囊幾條底褲，就出門口 lu~~！ 坐 7 個鐘夜車來到 Croatia 首都 Zagreb。（我承認，在這之前，我係唔清楚 Croatia 確實位置，亦都唔知佢首都係咩，亦都up唔出任何一個城市名） 到達當日係星期三，我地 search 到有個 museum 逢星期三免費，就一鼓作氣向住個 museum 的方向行行行 過了一座橋，橋下的水面倒映天空，靚到好似印象派油畫的筆觸咁 愈行愈少人，覺得唔對路，走進一間酒店問路，順便洗面刷牙，順便攞張地圖，先知我地一直都係背住老城區行，而且距離個免費 museum 還有一段路。為免再浪費我地在 Zagreb 只有不到 12 小時的寶貴光陰，都係乖乖地搭巴士去返市中心吧啦 XD 市中心分下城區同上城區，呢個騎馬揮刀雕像就係分隔上下城區的指標。（當時我地當然唔知呢個乜水啦，原來係 19世紀民族英雄 Josip Jelačićum。um ....其實想介紹得詳細D，但睇到咩Hapsburg王朝再奧匈帝國真係投降了） 時間關係，下城區無乜行到，唯一印象係在一間找換店以好抵 ga rate 唱左D Kuna。 上城區景點都幾多 首先去到 Zagreb Cathedral 教堂前的金色聖母像 （左下角是一間 hostel，側側膊入去放低個大 back pack，舒服曬！） 教堂外放左 1 個鐘 2 座小尖塔，原來係紀念 1880 年的大地震，地震對 Zagreb 同教堂帶黎好嚴重ga破壞，呢個鐘在地震發生時震停左，而呢 2 座塔就係地震後搵到損毀唔算太嚴重的物件。 教堂入面擺放左一副棺材，入面係 Croatia 一個好重要的反共樞機主教，曾經俾共產黨囚禁軟禁，死後得到平反，被追封為殉道聖人。不過又因為佢早期曾有排除 Croatia 內塞爾維亞人的想法，所以D人對佢的批價仍然有爭議。（愈了解得多呢個地區，愈覺得佢地D歷史好頭暈，無啦啦出現一個鐵托，好似聽過又唔知係邊個。。。History 呀。。。） 教堂內其中一道牆寫左滿滿佢地的古文字，好得意 行幾步去到 Dolac Market，一個個小攤檔，撐起一把把大紅傘。 在附近間麵包鋪試左個小食，有點太甜 原來佢地的古文字叫 Glagolitic，一粒東東可以代表字母又可以代表數字 某店主話下面呢個心心磁石，在 Croatia 傳統係要黎送俾愛人，中間果塊小鏡代表可以俾對方睇到自己的內心。 平平地，我都整返個送俾 James 先～～ 首先話俾店主寫咩名，再簡一個覺得手工靚的心心，店主就即席揮毫，再等 D 字乾左就可以俾錢走人。最搞笑佢寫完係貼在對出條路的鐵欄上曬乾 XD 經過一間 gallery，欣賞下當地的藝術作品先 幅畫同個雕塑偶然被放在一齊，又幾夾 wor ! 其中一個畫家的作品好 fancy 好粉好軟棉棉： Ivan Rabuzin 街頭都充滿藝術氣息！ 初初唔知點解呢度咁多鋪頭賣 tie，後來先知原來領呔係 Croatia 發明的～！ 街頭某個轉角，別有洞天，是個小教堂 走到 Zagreb 最美景點：St. Mark's Church !! 左邊的 Croatia 國徽＋右邊的 Zagreb 章，賞心悅目的顏色，印象中屋頂每一塊瓷磚都係好乾淨好令！ 呢個教堂就好似漆黑中ga 螢火蟲！ （其實係一個地圖＋相框） 在路牌見到有個 Museum of Broken Relationships，我地發揮想像小宇宙，以為係介紹呢度以前一D民族間的關係破裂、修補 點知。。。就係字面意思咁簡單。。。一個放左由世界各地收集返黎關於分手的物件。。。 笑死我地，不過完全無興趣！ 行多陣街欣賞下街景重好啦～～～ 在路上聽到有導遊同團友在呢間餐廳前介紹，話呢個 Croatia 傳統食品值得一試。 呢個 domaci strukli 有煮版同焗版，我地試了焗版！ 即叫即焗熱辣辣的 strukli 其實係一團 dough 包左D cottage cheese 同 cream，好味又頂肚！ 由於覺得 Zagreb 好似無咩野睇，所以即日就搭車繼續南下！ 下一站：Korenica！ Falling Lakes Hostel 悠閒瞇眼小貓咪 出黎玩，住 hostel，梗係要自己晚餐自己煮啦！ 呢間 hostel 個廚房都幾靚（不過要同其他人鬥早煮飯），食野個 common area 又好 stylish，重有 outdoor 位置（不過有好多蜜蜂騷擾你食飯）！ いただきます！
