今日離開倫敦，搭火車去洗澡！ umum...即係倫敦以西約 185 km 的城市 Bath！ 由 Paddingon 車站搭火車，食住 EAT （令人回味）的早餐杯，個半鐘後就到達。 天雨，陰陰寒。首先報名參加去 Stonehenge 的 tour，好似 29 鎊一個人，包來回車程同入場費，比自己散買抵。 報完名重有時間，參觀了 Bath Abbey。 入面有一幅好大的彩色玻璃窗，當天無乜太陽，不過可以想像到陽光照入呢個玻璃窗應該會好靚。 呢個大窗在1942 年俾閃電打爛左，到 1954 年先完成修復工作。宜家見到的玻璃有 6 成都係原本的玻璃。 一直以黎都覺得教堂的彩色玻璃好靚，今次竟然在教堂的商店見到有這塊玻璃的大貼紙賣！即刻買返塊返屋企。 唔捨得貼在窗，只好"晾"在窗邊曬太陽。好靚，是其中一樣很喜歡的紀念品。 在遠一點的角度欣賞 Bath Abbey。 Tour 出發前需要先醫一醫肚，去左一間旅遊書特別介紹的麵包店：Sally Lunn's 呢間屋係 Bath 最古老的建築物，1482 年已經o係度。入面的 Museum 好細，基本上就係呢個模擬的舊廚房場景和旁邊買包的 counter，大概只企到 10 個人。所以大家都係匆匆忙忙買完包看看四周就離開，不然會阻住後面的人入黎。。。 我口中食緊的包就係 Sally Lunn's 最出名的包啦。無影到個包，其實就係一個大過我塊面的茶餐廳跟湯餐包。所以見到真身時係有點失望，不過都買左一個頂下肚。買走的包是凍的，食落去真的平平無奇。 手痕 search 了一下，睇左人地寫的 blog，原來入去旁邊的小餐廳食返個 tea 先係重點！！！ http://yingpeit.pixnet.net/blog/post/5229030-%E3%80%90%E5%B7%B4%E6%96%AF%E3%80%82bath%E3%80%91sally-lunn-bath-bun~%E4%B8%80%E5%AE%9A%E8%A6%81%E5%96%9D%E7%9A%84%E4%B8%8B%E5%8D%88 睇到流曬口水，原來個包係切開一半再搽唔同的料上去先食，我地真係傻瓜瓜。。。（同埋點解人地影D相四正咁多。。。。 T^T） 由於 3 人分一個大餐包係完全唔夠飽，所以去左旁邊另一店買多幾個包，呢D就似樣 D 啦 XD 本日重點就係參觀 Stonehenge 巨石陣，所謂參觀其實是在巨石陣外圍行，同埋睇個博物館。 如果就咁睇呢D石頭，真係好 clueless，唔知點解要黎睇。但經過 audio guide 介紹，就會覺得呢個 World Heritage 好值得一看。 呢堆石本身唔只咁少，這個據稱於公元前 2xxxx 年建成的陣，本來係相當 organized。於咁多年期間，呢個陣被多次重新排列，亦經過大自然同 4xxx 年歲月的洗禮，最後就剩下呢堆好似有點亂的石頭。 當中使用左好幾種石頭，只記得其中一種叫 bluestones。巨石陣其中一個 amazing 的地方就係石頭來源，D 石唔係附近地區常見的石頭，係要山長水遠千辛萬苦運過黎。How? Why? Who? 留左好多問號俾後世。 umm...呢張好有幾個黑社會大佬影電影 poster 的感覺。 無乜有樣的靚相影到，因為現場好！大！風！（同好多人） 有巴士接載遊客來往 visitor center 同巨石陣個 site，不過圖左可以見到，好多人係自己行過黎的，如果唔係太大風同參加左 tour 有時間限制，在咁空曠的草原散步應該好正。（不過呢張相的重點係巴士後象徵巨石陣的標誌，點解同香港 Housing Authority 個 logo 咁似 ！） 笑死我啦 XDDDDDD 博物館內有好多在巨石陣出土的古老東西，無特別細看。不過以下 4 塊金餅餅就幾好睇，展示左 Stonehenge 的轉變？進化？建造過程？whatever~ 總之呢個大 picture，會令人明白 Stonehenge 內的某一舊石笨唔係 random 放的，原來佢係入口／位置的 indicator／定位石。。。 後記：原來每年在指定日期都有 Special Access Tour，可以入去巨石陣內周圍行，可以觸摸到 4xxx 年前唔知由邊個遠方搬過黎的大石頭。今次錯過了，唔知會唔會有機會重遊巨石陣呢？ 日期查詢：http://www.stonehenge-tours.com/stonehenge-special-access-tours.html 回到 Bath 之後去埋最後一個景點，羅馬浴場 Roman Bath。 呢個看似平平無奇的雕像，係智慧女神 Sulis Minerva。而呢位女神原來同整個城市好有關係。這城市原本係供奉 Sulis Minerva 的神廟，所以 Bath 的前身係叫 Aquae Sulis。 （小知識：呢個雕像下刻左 4 個字母：SPQR。原來係拉丁文 stand for Senātus Populusque Rōmānus，意即“元老院與羅馬人民”。聽講呢個字在意大利個羅馬周街都會見到，下次去羅馬留意下先。） 其實呢個博物館無乜好睇，有好多遺址碎曬的石頭，幾個還有水的池和幾個無曬水的池，以前分別係俾唔同人浸／唔同功效的池。 比較有趣的係以下 display 返古人用咩野方法、借助咩野結構的工具吊起咁重的石頭。（其實睇完都唔係好明，不過就覺得以前D人好勁，咁囉。。。） 有得試飲呢度的溫泉水，唔奇怪唔難飲。 今次在 Bath 的一天遊去左 3 個地方，時間都用得 77 88 了。有點可惜去唔到細佬極力推薦的 Royal Crescent（中譯皇家新月，好得意）。睇返細佬D相，覺得好壯觀呀。。。希望有機會再黎睇下。 （另，原來 Jane Austin 曾經在 Bath 住過幾年，不過我地都無時間去睇下相關景點。）
