今天起身第一件事就係去 Leicester Square 排隊！ 多謝在 working holiday 識的 Musicals 狂熱 roommate 同埋細佬教路，先識得在 http://www.tkts.co.uk/ check 下有無心儀 Musicals 平飛，再去 TKTS 的 ticket booth 排隊買飛。 決定要睇 Phantom of the Opera，我地在倫敦其實無幾多日可以睇到，所以一定要成功！ticket booth 10 點開門，專登早左少少到達，點知已經在廿幾人在前面。 最後都成功買到飛！（雖然唔係連住坐）（用 master card 俾錢重送中場休息的雪糕卷：睇張卷以為送軟雪糕，原來係送 Haagen Dazs！） 輕輕鬆鬆去搵早餐食 行到 St Martin's Lane 見到呢間叫 EAT. 的餐廳，感覺幾舒服，就試下啦！ 呢碗野根本就係為我而設！這是佢地早餐 offer 最吸引的東西：HOT POT！可以選大中細杯，再選要咩料，有蛋、“秘製”茄汁豆（連本來不喜歡食茄汁豆的朋友都話好食！）、蘑菇、火腿絲等等，撈埋一齊。 by the way，順手搵到佢地個 website，有埋每個餐的營養成份。讚！ 食飽飽就向住 Big Ben 的方向往南行，National Gallery 外有好多人在大太陽下賣藝。 英國好多博物館都係免費，所以即使時間唔係太多，都入左去 National Gallery 行左一陣。 梵高作品：Two Crabs，一開始唔知係梵高，只係覺得呢兩隻蟹好特別 XD 真係好少見人咁畫蟹。介紹話好可能係被浮世繪大師葛飾北齋一幅木版畫啓發！ Seurat 的 Bathers at Asnières 及一系列 Study 行行下見到騎住馬的守衛，可以去影相，不過有個牌警告小心隻馬咬你踢你呀！怕事的我當然彈開D。。。不過最主要的原因係馬仔屙到成地屎！！！好臭！！！好驚佢突然噴屎 XD 不過其實大部分人都係貼住馬仔企架 XD 經典電話亭 Churchill Big Ben！聽講呢排佢唔係好掂，要大維修。 London Eye（同新認識的朋友 XD） 走過超級人頭湧湧的 Westminster Bridge，有窒息的感覺！ 口渴了，去到 Westminster subway 站附近的 Tesco。真係大開眼界！這間 Tesco 一前一後 2 道門，出入口分得好清楚，出口唔入得，入口。。。。都唔係想入就入，因為有個黑人大隻實 Q，佢開門先可以入！因為呢頭實在太多人，便利店都要做 crowd control！ 即使入到去，都要打醒 12 分精神，因為入面係 one way，你無太多時間考慮、格價，錯過左只好繼續向出口的 cashier 行，入面的人都好守規矩，你都唔好意思騰黎騰去。 夠鐘去 Her Majesty's Theatre 啦～ 演員名單，因為有幾 group 演員輪流演出的。 在劇院內過左起雞皮、毛管戙的 2 個半鐘。。。其實我一直沒有認真了解過 Phantom 呢個故事，無睇過書無睇過戲，好彩臨出發黎英國前睇左 30 分鐘電影版，知道下個背景。是有必要的。英文程度越來越退步，當中的對白真係聽唔曬，有點可惜。不過音樂、舞台效果同演員的張力已經足夠震撼我了！ 平飛 ga 位置係有少少視線受阻，下次有機會再黎，要考慮買正價飛睇～～ 之後去左行 Covent Garden 呢個市集好多鋪頭，雖然物價唔便宜，但種類都幾多，可以買到手信，值得黎行下 ga！ 晚餐去左著名英國廚師 Jamie Oliver 旗下一間餐廳試下，曾經睇過佢節目，都幾中意佢，所以都幾想試下佢的餐廳水準如何！ 我地選左在 Upper St Martin's Lane 的 Jamie's Italian。 重約埋當時都在倫敦同女友旅行的細佬仔！so happy~~~ 野食的質素不過不失，未好味都驚為天人，但份量就比較細，價錢亦唔便宜，是一間食過唔需要返轉頭的餐廳。 食飽飽（其實唔係幾飽 XD）一齊散下步，諗住可以去 Tate Modern 行下。點知途中好多野睇，行到 Tate 附近已經關門了。唯有過兩日再去啦～ 最後走過好薄好靚的千禧橋 Millennium Bridge。
