（7月頭）Working Holiday Visa 到期在即，又無刁兄咁叻換到 Visa，想留多幾個月，唯有用 STAMP OUT 呢招啦！即係去非神根國家過一過冷河，再次入返神根區就可以用 travel visa 留多 180 日！呢招好多 working holiday 前輩都試過，成功例子好多，但同時網上亦流傳 “呢招唔得架”、“出左去入唔返黎架” 等等令人困惑的留言。 但為左 extend 多 3 個月，點都要試下架啦！在歐洲附近的非神根國家有英國、土耳其、克羅地亞等，都係我未去過的，咁 arm 有朋友去英國玩，可以 join 埋，所以就毫無懸念咁買左來回英國的機票！ 為左享受 47 歐的 RyanAir 來回機票，又要再次去 Memmingen 了！刁兄送我到慕尼黑 HBF 搭巴士，2 個鐘到 Memmingen！ 順利過關等上機 抵達 Stansted 機場後，趕住搭半小時一班的機場快線出返倫敦市區，就無去 atm 提英鎊，諗住地鐵站都有 atm 架啦。在 Tottenham Hale 下車後，真係 O 左咀。 個站比想像中簡陋（以為機場快線沿途站應該好似青衣、九龍、香港站咁 well-facilitated 架嘛），無 atm 無 information counter，路人話附近個油站有 atm，去到又壞左機。好在見到人地在買票機入 card，啓發左我試下入張 postbank debit card，得左！買到 Oyster Card 可以搭地鐵啦～～ 倫敦的 subway 比起香港地鐵、慕尼黑 U bahn S bahn 都無咁舒適，燈光偏慘白色，好焗好熱唔通風，搭幾個站就有點暈車浪。 終於在 Euston 站會合左香港的朋友，重提埋英鎊，即刻安心曬！第一個行程就係搭 3 小時非常搖擺的火車去利物浦！撞 arm 果日好似有人“闖進路軌”，所以 delay 左幾乎一小時。 到埗時已 5 點幾，在細雨濛濛的利物浦，有點狼狽地撐住傘行去 Hoax Hostel，一間令人眼前一亮的 Hostel :) 裝修新，感覺 relax，似酒店多過 hostel！3 個人 book 左連廁所的 4人房，好好彩第 4 個床位無人住，可以霸左間房！間 hostel 位置幾方便，位於酒吧街 Mathew Street 街頭。雖然我唔蒲，但 Mathew Street 正是 Beatles 發跡酒吧 Cavern Club 的所在地！ 放低行李周圍行下，經過 Top Shop 同 Primark，睇下減價野，第一次行 Primark，真係好抵，1 鎊一件雪糕 t-shirt，2 鎊一條 tie 加袋巾，款式重好四正！ 去了一間西班牙店食 dinner 食小小 Paella 同 Tapas。都算 ok la！ 整條 Mathew Street 到處都有 Beatles 的標記，因為佢地真係 Liverpool 最驕傲的代表！ Cavern Club 的 Cavern 解作大洞穴，原來入面真係一個大山窿！（樓底矮矮的長型山窿～～） 一開始只係得一個男歌手自彈自唱，無乜氣氛。周圍行下睇下先： 佢地最後一次在呢個 club 度表演係。。。。我生日呀～！（儘管果時我還未出世） 好多好珍貴的照片 10點半，有 4 個冬菇頭上台啦！The Mersey Bealtes！！ 台下好多觀眾引頸以待 >>>> 載歌載舞，當中大部分都係好陶醉的中老年人士，好羨慕佢地同 Beatles 生於同一個時代！睇 Beatles Live 對我地呢一輩真係無可能的事 >.< Cavern Club 官網話呢隊向 Beatles 致敬的 Mersey Beatles 都係 4 個來自 Liverpool 的"Boy"，縱使現在已經係佬 XD 逢星期四同星期六表演，好好彩我地行程可以就到！未聽過真貨 Live 的小妹好 enjoy，其實我都好想好似 D 老人家咁忘形唱呀跳呀，但還是有點害羞。。。 下次有人會陪我癲嗎？
