距離 3 月底在柏林完成第一次半馬唔夠 3 個月，我地又要跑第二次半馬啦！ 有上次的經驗之後，今次的 preparation 和練習都簡化左。。。（咁樣係唔！得！架！） 但出發前的緊張同興奮心情就絲毫無減！ 一早搭 S-Bahn 出發！ 集合地點係 Marienplatz 旁的 Rindermarkt，親切感爆燈！橙衫人人海中，可以留意返其實係有 2 款跑步衫：一款背心一款短袖。最初我選了背心，感覺好似女仔 D 嘛，好彩攞完即刻搵地方試試，正面睇只有橙色，感覺好 dry！cutting 又唔靚，穿上後感覺成個人蠢左。即刻去 counter 講聲 Entschuldigung 換返短袖 slim cut t-shirt，舒服曬！ 選手 A 縛好鞋帶作最後準備！樣子無乜信心咁 wor！ 笑容燦爛的選手 B 。。。咁矮 ga？！係咪兒童組選手？（當日除左半馬，還有 10K 、 5K 同小朋友 2K 比賽架！） 排隊放好個包包先～ 下圖紅色線就係我地的路線，8 成時間都是在 English Garden 呢個大迷宮入面！ 比起上次柏林的路線或者平日練習的寧芬堡公園路線，今次條路真係超級九曲十三彎！由市中心跑入森林後，周圍都只係見到樹木、草地、河流，對想 relax 的人來說是好 relax，空氣亦非常好；但對擔心緊唔知跑唔跑得完 21 K 的人來說卻是惡夢。。。轉彎轉到頭暈暈，有時會在叢樹的隙縫中見到其他跑手，你會好迷惘，究竟佢地係我地前面定後面架呢？暈～～～ 沿途都有稀疏的打氣人群、敲擊樂隊，不過感覺上欠缺熱情，似交差？定真係慕尼黑人比較內斂？！至於補給品就好充足同豐富，搞到我想停低食一陣再跑 XD 去到最後 2 K 教練先生如我們所料開始腳痛，跑下行下，我仍然氣力十足，不過陪佢停左幾次，要再跑返反而會更累。我們以比上次快 13 分鐘衝過 Marienplatz 的終點。而我的衝線時間係比教練先生快 0.1 秒架！ Yeah~~~~~~~~ 賽後報告＋小比較 柏林半馬 報名＋ adidas T-shirt：71 歐 報名＋ 在 finish medal 上刻上名字同成績：50 歐 淨報名好似 40 歐掛。。。 welcome pack：吉袋一個 賽後：有幾架賣 brezel、薯條、腸仔包、啤酒等等的美食車，有廿張左右的按摩床為您提供專人按摩服務～～不過因為果日只有半馬，無 10K 果D 其他後續項目，所以好快就清場了。 慕尼黑半馬 報名（連 chip 連免費 Asics T-shirt）：28 歐 welcome pack：好味 HIPP 吱吱水果蓉、Nivea 防曬、Weleda 沖涼液＋按摩油 sample 賽後：直情係嘉年華，著住選手衫就可以食個不停飲個不停。美食項目如下：Erdinger Alkoholfrei、香蕉、切好一片片的青蘋果、乳酪、椰子奶杏仁奶（唔好飲）、新鮮鬆軟的 Laugenstange 包包、好味 HIPP 吱吱水果蓉、好多口味的 energy bar。。。。重有攤位玩遊戲，贏左條跳繩！ 結論：慕尼黑真係個好富有的城市 :) 嘩哈哈 P.S. 每次跑完步都會好感激刁致冲對我的鼓勵和信任，信我其實有氣有力跑，叫我唔好扮死狗...！哈哈！
