柏林有好鬼多博物館，一張 museum pass 就包成 50 個博物館，不過我地時間唔多，所以決定用一日重點參觀最出名的博物館島就算。其餘的館，以後有緣再入啦！ 買左博物館島的 pass，利用逢星期四博物館遲收 2 個鐘的優越條件，可以入曬島上 5 個博物館。（諗住）。一早搭車去，向住柏林大教堂方向行，途中忘了在邊個建築物上見到呢度門 上面 D 板板有好多唔同符號，原來係刻左唔同語言的 " ar " 音字。點解估到呢？因為見到“a”、“阿” 同 “あ”。重有 D 板係圖案，應該係埃及 D 字掛！ 行左無耐黎到柏林大教堂，好宏偉的建築，不過隻色硬係好似覺得燒過燶左咁。。 其實一直行我都以為未到，因為我一直以為會登上一個島，但後黎原來已經上左島都唔知。睇返 google map，原來真係有個島型，只係我地行過一條好闊的橋跨過一條相對窄的河，所以無咩感覺。 即刻走去最著名的 Pergamon 博物館先，嘩！條龍好長 wor！ 前面大概有 100 人啦。 遠遠望到時不時有人拿住張紙直接行去入口。一度以為自己已買飛可以不用排隊，原來買左飛都唔夠，重好似要預約埋入場時間的！ 其實出發前已知道館入面最出名超大座從土耳其遺址 Pergamon 古城成 kai 搬左過黎的 Pergamon Altar （連同半個博物館）都在進行翻新工程中，暫時睇唔到。暫時的意思係。。。直到 2019 年！ 不過入面仍然有好多令人 O 咀的文物。有諗過以下的相會唔會有劇透成分呢。不過其實 official website 都有呢類相，而睇相係無辦法感受到親身站在呢D咁高咁宏偉的遺址文件旁邊的起雞皮感覺。 （諗起以前成日話去邊度旅行好貴，不如睇 google map 算啦！） 巴比倫的城門 Ishtar Gate。好靚的藍色琉璃瓦。好有氣勢的動物 pattern！ Trajaneum hall，應該係來自古羅馬。。。掛。望住呢幾座野，真係由衷佩服考古同文物修復的人！ 一幅好大的地板馬賽克，九宮格中間是叫 Orpheus 的彈琴男神。佢好有音樂才華，圍在佢旁邊的是俾佢歌聲琴聲馴服的猛獸。（關於呢位男神有個愛情故事，好多人都應該聽過其中一幕，就係佢去救返死左 ga 老婆時，差少少成功將佢帶返人間，就係返到人間前忍不住回頭望左老婆一眼，就臨尾香了。） 模仿返連接城門的走道 來自亞述帝國的類似守護神獸，男人樣獅子身加對翼。好精緻架。 2 樓的展覽係伊斯蘭藝術，不過無乜心機又無興趣睇，相都無乜影。 再去下一個博物館，Alte Nationalgalerie 舊國家畫廊。入面放左好多畫，講下印象比較深刻的部分。前一日去參觀的無憂宮，最震撼我地唔係座建築物，而係個主人 Friedrich II 獨特性格（相對於眾多國王黎講）同埋得天獨厚的藝術才華（亦都係相對於眾多國王黎講）。那個美術館其中一個角落就放左一系列描繪佢 ga 作品。 Friedrich II，係非常識歎。 請朋友去無憂宮食飯 XD 食完飯再開長笛 concert，不過係佢吹俾大家聽。欣賞左呢幅畫好耐，感受下當時無憂宮呢個大廳個氣氛有幾正。 時間緊迫，馬不停蹄再去 Neues Museum。這個博物館有好多埃及文物，其中最著名就係一個好靚的埃及女人人頭，化曬妝咁，（正確名稱：Nefertiti Bust）不過果時已經太累了（套用大陸舊同事的講法，呢 D 叫審美疲勞！）無仔細睇介紹同聽 audio guide，後來先知道呢個靚女係圖坦卡門的媽咪！其餘還有好多石棺、石碑、雕像。。。 到 7 點幾的時候，個肚已經開始打鼓，睇左 3 個博物館都已經飽和左，所以就出發前往一個 M 字頭的地鐵站啦！ 唔係好識搭巴士，只係知博物館島可以行去布蘭登堡門 wor，咁大個地標肯定有個四通八達 ga 地鐵站啦！ 點知～ 只有一條線，而呢條線只係去 Hbf 一個站！ 落車，係好冷清的 Hbf 轉左幾次車之後終於去到 M 字頭站啦！呢個出口有乜咁特別？刁生點解一副胸有成竹 ga 樣子？下回分解！
