今日係大哥同霆峰係慕尼黑既最後一朝早，亦係我唯一休息既一日（星期日），當然要把握機會同佢地一齊遊一遊！時間無多，所以近近地去Schlosspark Nymphenburg 行下啦！ 一群隊伍整齊的鴨仔！ 好明顯大哥甩隊！ 係呢個Park入面有一個我一直好想參觀既教堂 － Magdalenenklause 佢係我某次跑步中無意發現，至於點解我咁有興趣？睇落去你就知！ 外牆 內部很像一個岩洞，但細看下原來係由一堆貝殼組成，極具原始風格。唔知高第見到呢度會有咩感想呢？ 係咪好特別呢？於是我地乖乖放低入場費，再入內發掘！(懷舊的售票機，糊裡糊塗的售票員。。。但其實也十分友善，至少我覺得係既。。。） 但入邊普通，基本上要睇既係入口睇哂。。。 尚有時間，我地就係公園散散步，呼吸一下香港沒有的空氣吧！ 途中，猛然發現一棵倒下既大樹，以及係上面玩耍既小朋友。 城市既大朋友當然唔會放棄呢個機會啦！ 繼續親親大自然，我地又搵左一雙大天鵝交流左一陣！ 又係說再見既時間啦！再見Nymphenburg，以及大哥同霆峰！香港再見！ 雖然告別左兩位朋友，但旅程並未結束，因為我地要去期待已久既Starnbergersee !! 去Starnbergersee 玩，有個小tips，就係如果想搭船遊湖，請係 Starnberg 個站落車，但想去游水野餐悠悠閒閒，就請多坐兩個站啦～～～ 我地就係Possenhofen落車後向下走。 Grüß Gott～～ 落到底，一遍船塢 碼頭位已被一班德國青年佔有了。。。 只有拍照留念啦！ 再沿岸邊走走睇下有無其他地方可以坐坐啦！ 途中見到交配中既蜻蜓，好有愛！！ 最後係 Sissi Schloss 旁邊既空地就位～～ 好舒服既環境～～～（注： 後面既Gen好努力咁逃避緊蜜蜂既追擊。。。） 如是者，我地就係呢到HEA下，游下水，玩下牛頭，睇下書，曬下太陽，傾下計，咁又過左幾個鐘～～～ 係離開既時候，GEN提議去 Garching 睇下條圖書館中既長滑梯。正好今日有 full ring 車票，一於去探探。不過去到 Garching 先發現圖書館係星期日休息。。。但錯有錯著，今日Garching 異常熱鬧，原來係 Garching 建城市1100週年記念！！What!？1100週年？前排Munich熱烈慶祝 857 週年已經覺得好古老，原來Garching仲老！不過所謂既慶祝都係個D 啦，飲飲食食加D遊戲攤位咁LAW～～ 係 Garching 食埋個 Abendessen 就已經9點幾，真係要完結行程啦～～Tschüss～～
