尋晚我地訓覺的時間，正係酒吧街最 high 的時間，樓下音樂嘈到拆天，不過大家都好累，好快就訓著 lu！ check out 後食個 English Breakfast 先 再漫步去利物浦另一大景點區 Albert Dock 碼頭，天氣好好，少少雨都無～ 果度有 Beatles Story 館 同埋 TATE Liverpool 無時間入館慢慢睇展覽，就咁睇下 Souvenir Shop。在 Lobby 見到呢個 counter，小朋友寫個名就可以借走呢個銀色包包。 銀色包包入面的工具例如望遠鏡、Sketch book、筆、作品介紹，都係希望令到參觀的小朋友更加投入欣賞。雖然唔知小朋友會點樣利用呢D野，不過真係好 appreciate 美術館的心思。小朋友如果入美術館無野做淨係頭岳岳，好快就會無心機。俾D世藝佢地，可能會引起佢地興趣都唔定！ Beatles Story 分 2 個館，在 Albert Dock 的第一 part 幾好睇幾豐富，有好多佢地好 green 時的傻仔相 佢地讀書時已經開始夾 Band 去漢堡演唱！ ausverkauft 賣曬！ 模仿 Cavern Club 重有一個部分介紹佢地第一次去美國訪問時，令到萬千少女少男幾咁瘋狂！ Yellow Submarine 。。。 呢套卡通的畫功真係好騎呢，但騎呢得黎又好有 Cult 味，一見難忘！ 解散前後。。 近出口有一個以 Imagine 為主題的部分 純白色空蕩蕩的房間，放左部鋼琴同結他，播住 imagine，俾人靜靜停留呢度，再次細心感受歌詞的意義。 Imagine there's no heaven It's easy if you try No hell below us Above us only sky Imagine all the people Living for today... Imagine there's no countries It isn't hard to do Nothing to kill or die for And no religion too Imagine all the people Living life in peace... You may say I'm a dreamer But I'm not the only one I hope someday you'll join us And the world will be as one Imagine no possessions I wonder if you can No need for greed or hunger A brotherhood of man Imagine all the people Sharing all the world... You may say I'm a dreamer But I'm not the only one I hope someday you'll join us And the world will live as one Love and Peace - It isn't hard to do 醫下肚先有氣力繼續行，Albert Dock 有好多餐廳，經過呢間 Docklands 覺得好吸引 wor 重香噴噴，又未食過 Fish and Chips，叫 2 盒 3 個人 share！ 魚有 3 、4 個選擇，我地點左一份 Cod 鱈魚，一份 Haddock 黑線鱈，對魚無乜認識，感覺唔到有咩分別。附送 2 包醬，茄汁點薯條，白色好似叫 Tartar sauce 點魚。 實在唔明點解身邊的鬼佬食客可以咁快食曬，重要一人一盒！我地 3 個餓鬼竟然食唔曬D薯條。。。因為成盒野真係好漏好油！！舊魚又淡味，究竟係我地入左黑店，定係 Fish and Chips 就係呢個味？（但間餐廳人流絡繹不絕 wor！） 見到一幅畫 原來係用 Jelly beans 砌成！！！ a poster explains why ship is a SHE~~~ Beatles Story 張飛重可以去埋第二個館，不過呢個館就無乜特別，講下自從 Beatles 後英國 music 點樣影響美國 culture ar，都無乜心機睇。還有一個 4D 的 Fab 4 journey，作為一個 4D show 都幾得意 ga！ 全世界應該得呢間 HMV 有咁大張 Beatles poster。Beatles 永遠對利物浦都係無可取替！ 晚餐就求其在火車站的 Mark & Spencer 買盒沙律上火車食，原來英國的 Mark & Spencer 有好多熟食同叮叮野食賣架！花多眼亂！ 終於要返倫敦啦！打後幾晚都係住在一間好大規模、守衛森嚴的 Hostel － Generator Hostel！ 值得一提：3 小時漫長的火車途中，無啦啦有女職員開咪，叫人憑佢口音估下佢係咩國家的人 wor！估中可以去火車餐車果卡免費選個餐！佢講完之後，就有個職員逐個位問有無乘客要估 la，我咪求其估個國家，當然無咁好彩撞中。點知開估後，無啦啦個女職員走過黎問我，係咪你估 X 國架？我話係呀，佢竟然送舊朱古力俾我！ 估錯都有獎，真開心～～
