book 左免費的 walking tour，行去集合地點之前反正順路就再行下 Albert Cuypmarkt，終於夠人試下食個 Haring 魚三文治 la！ 其實唔係好大份，只係感覺上好伏，所以等多幾個人先買黎試，難食都可以食少幾啖嘛！食左一兩啖之後，大家普遍都覺得唔至於難食到要吐，不過就唔會再食的樣子。但我覺得好好食！雖然係生食，但感覺好清新！有小小似食日本魚生。而且重包住左 D 生洋蔥同小黃瓜，好 fresh~~! 今次的 walking tour 由一個荷蘭後生女帶，過左 3 個月對佢的印象竟然係紅色的鼻哥？事關果幾日真係好凍，大家都不停流鼻涕！由 Waterloo 廣場出發，首先行左幾個點都係以前猶太人聚居地，講返納粹時期令呢 D 地方變成死城，其中一個地點宜家變成類似市政廳的東西。裡面地板中放左個雕塑，是一個埋在地板內的小提琴家，據說呢舊野係在河中打撈到，唔知邊個創作，不過真係好特別！好似重話成個阿姆斯特丹有十個呢類型爆出地面的雕塑！ 然後導遊姐姐帶左我地去河邊，幫大家影大合照。下！點解要影大合照？我地估可能係記低大家個嘜頭，睇下邊個最後唔俾 tips！（不過諗深一層，真係有用？） 我地自己又影返張先 然後下一個景點係紀念哲學家斯賓諾莎的銅像。見到這銅像的一刻之前，我們不認識呢位仁兄。聽完導遊介紹後都是一頭霧水，只係知道佢係個猶太人哲學家。今日再 wiki 下佢，同埋搵到條片睇，對世界的認識又深左少少少少。佢本身在西班牙，因為羅馬天主教對猶太人迫害令佢同屋企人輾轉逃亡去葡萄牙再逃到荷蘭。佢的哲學立場。。消化唔到，好概括咁講就係理性主義。無慧根。真係無法再解釋下去了。 不過吸引我的是本身雕像好特別。原來袍上的小鸚鵡代表被迫害的猶太人、麻雀代表當地人，放埋一齊象徵荷蘭的多元文化民族融洽，而玫瑰花就因為佢個名 Spinoza 在葡萄牙文可以解作“刺”。 下一站來到 Groenburgwal 的一條橋，橋上鎖了好多情侶鎖、許願鎖，不過聽講會有人定期清鎖。 站在橋上望向河的其中一邊，盡頭的建築物是南教堂（Zuiderkerk），優美的構圖，印象派大師莫奈都在這裡附近取景畫過呢座教堂。 然後經過左一D比較新式的住宿區。奇怪得黎又無乜美感。右下角寫住 coffee shop 的店，係賣大麻而非咖啡。walking tour 沿途街上都能聞到大麻的味道！ 都係運河邊的商人之家有 feel D。呢張相入面白色窄窄的屋，係阿姆斯特丹最窄的屋！叫 Kleine Trippenhuis，只有一道門咁闊。（地址：Oude Hoogstraat街22号）而對面就係阿姆斯特丹最闊的大宅！兩間屋係有關係架，大宅係當時好有米的兩兄弟商人建的，佢地個馬車司機好羨慕佢地，話有間好似你地間屋度門咁闊的屋都好丫！所以商人就如佢所願，建左俾佢！ 導遊的介紹亦解開左我地心內一個迷團：點解呢度間間屋個屋頂正前方都有個鈎？原來係搬傢私用。掛條繩同齒輪在鈎上，就可以好似在井中打水咁樣轉張梳化 zum Beispiel 去到三樓窗前！再經窗口搬入屋！ 之後去到唐人街，有廟同好多中國餐廳，見到“香港飲茶”同燒味！不過 tour 未完，所以無停低食返少少 :P 看圖猜猜我地下一站係邊度～ ummm...就係著名的紅燈區！由於唔影得相，用文字描述下先。其實當時大概中午時分，好多個 suppose 有妓女搵生意的櫥窗都空盪盪，努力左顧右盼，終於見到 D 著得好性感 ga 女性。不過希望愈大失望愈大，這個時段出現的年紀大身形都龐大，所以都唔敢（想）望多幾眼。。。 經過大麻 coffeeshop 連鎖店 bulldog tour 最後一站去左 Dam Square 介紹下紀念 WWII 受難者的 National Monument。 尋日去到 burger bar 點知間鋪裝修，今日再去另一分店終於食到了！價錢是在 Amsterdam 合理的貴，漢堡有得簡普通、black angus 同唔個係咩的 Wagyu beef...（後來先知係神戶和牛...見識少~.~）umum....只可以講貴肉果然係唔同 D！同在慕尼黑食開的係有分別 ga！ 再去食埋個好出名的薯條：我覺得呢～好一般囉～ 參觀了賣 magic mushroom 的店鋪 提外話：相中好多野（同埋成個 Amsterdam 周街都可以見到） XXX 的標誌，原來係要黎保佑個城市遠離水災、火災同埋黑死病。 有點匆忙地參觀 Rijksmuseum，即係荷蘭國家博物館。呢個字從字面真係唔知點發音，所以通常都係讀 R。I。J。K。Museum （原來咁讀係會 miss 左個 s 字..） 荷蘭國家博物館鎮館之寶：Rembrandt 的夜巡 (The Night Watch)。不過好似唔影得相？總之就無影到相啦。 無聽 guided tour 吸收到的野同印象真係差好多，呢刻我腦袋一片空白。 然後去左酒吧睇左場波 而之前買的一小件大麻蛋糕，到現在都係未食，一時驚空肚，一時驚 wing 左睇唔到博物館，大家都好小心翼翼。 再去搵餐廳食飯，搵左好多條街，終於食到物超所值的一餐 XD 晚餐後，大家終於鼓起勇氣去 share 個蛋糕了，食落去其實只係好像好重朱古力味的 brownie！行到返酒店已經好累，321 就訓左了，究竟係咪大麻作用真係無從稽考 haha!! P.S. 翌日我們早機回慕尼黑，charlie ivan finish 埋舊尋晚未食曬的大麻蛋糕，聽說真係發作了！嘩哈哈～～～
