阿姆斯特丹之旅結束後,又再回到慕尼黑!今天起入住一間可以住半年的屋,短期不用再擔心搬屋的事,在慕尼黑搵屋搬屋真係好煩! 話說在 12 月暢我地黎“看房子”,對這間 2 人住是太大和太貴的屋簡直係一見鐘情!考慮了幾日決定租在先算。然後就開始搵 roommate。 落機後雖然好累,不過為左住得 C 服 D,即刻就落手“打掃衛生” ...( btw,呢半年除左學了點德文,還學了好多大陸用語,還有大陸用語+德文的混血兒,例如....房東很 nett....) 做完家務晚上去食餐入人伙飯慶祝 :) 由屋企行 5 分鐘就到的牛扒屋,都 OK ga~! 好幸福地,我地幾乎是馬上找到兩個台灣的 working holiday 朋友仔與我地夾租 3 個月,心頭大石可以稍稍放下。 間屋大,雖然不算超新淨,但空氣流通,3 樓行樓梯,可以每日行下樓梯又不至於太辛苦,有兩個露台,陽光充沛,正常大小的廚房和洗手間,地底還有儲物室。樓下一大片草地,除了經常有小朋友野餐踢波追逐外,還有好多雀仔、兔仔和唔知邊度飛來的鴨子來日光浴。附近又有兩間超市,加上近日再開埋 Rossmann(即係香港的萬寧),同埋,好重要的寧芬堡和 Hirschgarten,好大好優美的公園鼓勵我們去練跑。對卑微的香港人(我們),這裡真是豪宅 T^T 邀請 roommate 去跑寧芬堡,當時 2 / 3 月時條河還是結冰的!可以行上去! 雖然間屋唔係我地的,但每次有人造訪都話呢度好正,我地都超開心的! 二月回來後,刁生努力工作,我就做了幾乎兩個月的家庭主婦,同上德文堂。日日要煮唔同菜式真係好大挑戰,不過我好 enjoy :) 煮飯好有滿足感架! 買左隻老母雞返黎煲湯,刁生處男去雞皮 XDDDDDDDD 冷面,切絲超費時。。。 最後這盤豬手不是我整的,是在這邊認識的新朋友整俾我地食,超足料,眾人回味到現在!希望有一天我都整到 XD 屋主為了騰出最大空間給我們,幾乎把屋內 movable 的東東都收到儲物室封埋箱。我們正頭痕沒熨斗、風筒、碗碟點算,點知原來 facebook 有 D 叫 free your stuff 的 group,即管試下,真係成功拿到熨斗、風筒,碗碟就買了些二手,感覺上在香港好難想像這些模式,其實用二手又平D,又環保D 都幾好丫! 聯合國慶祝年三十。。哈哈! 待續~~